Düütsche rode Koh

Vun Wikipedia

De düütsche rode Koh is ene Rass vun Kei, de besünners an de russ’sche Stepp anpasst is.

As de plautdietschen Mennoniten na Süüdrussland (hüdige Ukraine, besünners Molotschna) kemen, geev dat dor blot ukrainsche Steppenrinner, de man kuum Melk geven hebbt. Dör Krüzen vun dat Veeh mit Kei ut Holsteen un Oostfreesland hebbt de Mennoniten de Melkleistung gewaltig steigert. Bet 1860 harr sik en ganz egen Raas rutbillt. Dör Inkrüzen vun noch annere Kei hebbt sik twee Ünnersoorten rutbillt, de westliche Odessa-Slag un de ööstlichetaurische Schag. Mit Dat ukrainsche Herdbook vun 1923 is de Naam düütsche rode Koh, denn ok offiziell in Bruuk kamen. Na 1945 keem disse Utdruck in de Herdböker vun de Sowjetunion nich mehr vör, denn de Influss vun de düütschen Siedlers in Russland schull rünnerspeelt warrn. Liekers kummt en groten Deel vun de Kei in de Länner vun de ole Sowjetunion noch hüüd vun de düütsche rode Koh af.