Callistemon

Vun Wikipedia
Wesseln na: Navigatschoon, Söök
Piepenputzer
Karminroden Piepenputzer (Callistemon citrinus), Blötenstänn
Systematik
Klass: Rosopsida
Ünnerklass: Rosidae
Ornen: Myrtales
Familie: Myrtaceae
Geslecht: Callistemon
Wetenschoplich Naam
Callistemon
R.Br., 1814
Callistemon sieberi, Nee Stengels mit ole Fruchstänn.
Callistemon pallidus, Blöten vun dichtbi bekeken.

De Callistemon-Plant oder Piepenputzer is en Geslecht vun Planten ut Australien. Dormank gifft dat ok allerhand Zierplanten, de geern tohuse tagen weert.

Wat för Planten dat sünd[ännern | Bornkood ännern]

Dat hannelt sik bi de Piepenputzers üm lüttje, jummers gröne Bööm oder Strüker. Veel Arten hefft lange Twiegen, de en beten överhangen doot. De Blöer staht nich övereen (Phyllotaxis) un seht ut, as lüttje Lanzen oder Linealen. Dor sitt allerhand Ätheersche Öölen in un wenn een de Blöer rieven deit, denn gifft dat en krüdigen Duft. Faken staht de Blöer so, dat se de smalle Siet na de Sunne hendreihen doot.

De Blöten staht in de Asseln vun lüttje Dreegblöer, de dicht up'nanner wasst. De Blöer vun de Blöten fallt an un for sik nich wieter up, man de Stoffblöer sünd tomeist root un lang un maakt oorntlich wat her. Se staht meist liek vun de Blööt af. Up düsse Aart kaamt denn Blötenstänn tostanne, de utseht, as en Piepenputzer oder en Buddelböst. De Stoffblöer sünd bi allerhand Arten geel.

De Blötenstengel wasst över de Blööt hen wieter un bringt denn dor noch en Reeg normole Blöer tostanne. Dat passeert faken, wenn de Frücht an de ole Blööt noch nich mol riep sünd.

De Blöten sünd oorntlich vull vun Nektaar un weert geern upsöcht vun Vagels, de sik bi't Drinken an de Stengels ünner de Blööt fasthollen doot. Bi düt Drinken bringt de Vagels denn ok den Pollen na de annern Blöten.

De Frücht sünd hart un holten, as Nööt. Dor sitt en ganzen Barg luurlüttje Saatköörn in. Faken blievt se en ganze Reeg vun Johren to. Eerst wenn dat in den Busch brennt hett, denn gaht se up un laat de Saatköörn free (Pyrophyt).

Wo de Planten wassen doot un wat se bruken doot[ännern | Bornkood ännern]

De Piepenputzers stammt vun Australien un dor besunners ut'n Oosten un Süüdoosten. Dor wasst se vun de Tropen bit na de Kuntreien mit matig Weer hen. Twee Arten kaamt ut den Süüdwesten vun Australien un veer ut Neekaledonien.

De meisten Arten wasst, wo dat veel Water gifft, as an Creeks oder an Steden, wo regelmatig de Floot överhen geiht.

Systematik[ännern | Bornkood ännern]

To de Gattung Callistemon höört nu ok de Arten vun de vörmolige Gattung Melaleuca to. En Reeg vun Arten un jem ehre Sorten weert ok as Zierplanten holen:

  • Callistemon acuminatus Cheel (Syn.: Melaleuca flammea Craven)
  • Callistemon brachyandrus Lindl. (Syn.: Melaleuca brachyandra (Lindl.) Craven)
  • Karminroden Piepenputzer (Callistemon citrinus (Curtis) Skeels, Syn.: Callistemon lanceolatus (Sm.) Sweet, Metrosideros citrina Curtis, Metrosideros lanceolata Sm.): ene Zierplant.
  • Callistemon coccineus F.Muell.
  • Callistemon comboynensis Cheel (Syn.: Melaleuca comboynensis (Cheel) Craven)
  • Callistemon glaucus (Bonpl.) Sweet (Syn.: Callistemon speciosus auct., Melaleuca paludosa R.Br., Metrosideros glauca Bonpl.)
  • Callistemon formosus
  • Callistemon linearis (Schrad. & J.C.Wendl.) Sweet (Syn.: Melaleuca linearis Schrad. & J.C.Wendl.)
  • Callistemon montanus C.T.White ex S.T.Blake (Syn.: Melaleuca montana (C.T.White ex S.T.Blake) Craven)
  • Callistemon pachyphyllus Cheel (Syn.: Melaleuca pachyphylla (Cheel) Craven)
  • Callistemon pallidus (Bonpl.) DC. (Syn.: Melaleuca pallida (Bonpl.) Craven, Metrosideros pallida Bonpl.) : Mit grote, grööngele bit witte Blöten.
  • Callistemon sieberi (=Callistemon palludosus)
  • Callistemon pachyphyllus
  • Callistemon phoeniceus Lindl. (Syn.: Melaleuca phoenicea (Lindl.) Craven)
  • Callistemon pinifolius (J.C.Wendl.) DC. (Syn.: Melaleuca linearis var. pinifolia (J.C.Wendl.) Craven, Metrosideros pinifolia J.C.Wendl.)
  • Callistemon pityoides F.Muell. (Syn.: Callistemon sieberi auct., Melaleuca pityoides (F.Muell.) Craven)
  • Callistemon rigidus R.Br.
  • Callistemon roseus (Guilf.) Cheel
  • Callistemon rugulosus (Link) DC. (Syn.: Callistemon macropunctatus auct., Melaleuca rugulosa (Link) Craven, Metrosideros rugulosus Link)
  • Callistemon salignus (Sm.) Sweet (Syn.: Melaleuca salicina Craven, Metrosideros saligna Sm.)
  • Callistemon shiresii Blakely (Syn.: Melaleuca shiresii (Blakely) Craven)
  • Callistemon sieberi DC. (Syn.: Callistemon paludosus F.Muell., Callistemon salignus var. australis Benth., Melaleuca paludicola Craven)
  • Callistemon subulatus
  • Callistemon viridiflorus

Callistemon teretifolius F.Muell. (Syn.: Melaleuca orophila Craven)

  • Callistemon viminalis (Sol. ex Gaertn.) G.Don (Syn.: Metrosideros viminalis Sol. ex Gaertn.)

Kiek ok bi[ännern | Bornkood ännern]

Borns un annere Informatschonen[ännern | Bornkood ännern]

Literatur[ännern | Bornkood ännern]

  • Cheers, Gordon (Hrsg.): Botanica. Random House Australia 2003. Düütsch: Tandem Verlag GmbH 2003, ISBN 3-8331-1600-5.
  • Urania Pflanzenreich. Band 3: Blütenpflanzen 1, 1. Utgaav, Urania-Verlag, Leipzig 1991, ISBN 3-332-00367-4.

Weblenken[ännern | Bornkood ännern]

Commons-logo.svg Callistemon. Mehr Biller, Videos oder Audiodateien to’t Thema gifft dat bi Wikimedia Commons.