Brigitte Langenhagen

Vun Wikipedia

Brigitte Langenhagen (* 8. Dezember 1939 in Hamborg) is en düütsche Politikerin von de CDU.

Langenhagen is 1939 in Hamborg boren. Se hett en Lehr in dat Rebeed Frömdspraken maakt un hett denn as koopmännsche Anstellte un beradende Mitarbeiderin bi Lohmann in Cuxhoben arbeidt.

1971 is se in de CDU rin. Bi de CDU weer se koopteert Maat von’n Stadt- un Kreisverband Cuxhoben un von’n Bezirksverband Stood. Se hett in’n Stadtraad von de Stadt Cuxhoben un in’n Kreisdag von’n Landkreis Cuxhoben seten. En Tied lang weer se ok Viez-Landraad in’n Landkreis.

Nadem Werner Münch sien Mandaat in dat Europääsche Parlament afgeven hett, üm Finanzminister in Sassen-Anholt to warrn, hett Langenhagen an’n 25. November 1990 sien Mandaat övernahmen.[1] Bi de Wahlen 1994 un 1999 is se wedderwählt worrn. Bi de Wahl 2004 is se ok wedder antreden, kunn mit ehren Listenplatz aver nich wedder in dat Parlament intehn. In dat Europääsche Parlament weer se in’n Fischereeutschuss Koordinatorin von de Frakschoon von de Europääsche Volkspartei un Viez-Vörsitterin von’n Utschuss.

Se weer Vörsitterin von dat Maritime Forum. Langenhagen is Mitgrünnerin un Vörstand von de Allianz Maritime Regionalintressen in Europa (AMRIE) in Brüssel. Se is Maat von de Kangaroo Group, en Think Tank un Lobbyorganisatschoon mit Seet in Brüssel.

Langenhagen weer verheiraadt mit ehren Mann Kurt. Se is Weetfro. 1998 is se mit dat Bundsverdeenstkrüüz uttekent worrn.

Ehren[ännern | Bornkood ännern]

Footnoten[ännern | Bornkood ännern]

  1. Brigitte Langenhagen kandidiert wieder für die CDU
  2. Bundspräsidialamt