Antje Radcke

Antje Radcke (* 7. Februar 1960 in München) is en düütsche Politikersche vun de Partei Bündnis 90/De Grönen un Ünnernehmersche.

Leven

Radcke is in Langessen in’n Harz opwossen un hett in Seesen ehr Abitur maakt. Dorna hett se in Hamborg Pädagogik un Mathematik studeert.

Se is 1990 in de SPD inpeddt, hett ehr Liddmaatschop aver 1993 wedder opgeven, vun wegen dat se den Asylkompromiss aflehnen de, den de SPD in’n Bundsdag tostimmen de.

Vun 1996 bit 1998 weer se Landsvörstandssprekersche vun de Gröön-Alternativen List (GAL) in Hamborg un is dorna vun Dezember 1998 bit Enn Juni 2000 Bundsvörstandsprekerscher (Parteivörsittersche) vun Bündnis 90/De Grönen wesen. As se na Hamborg torüch gahn is, weer se noch mol wedder Vörstandssprekersche vun de GAL in Hamborg bit na de Börgerschopswahl 2001, ditmol tosamen mit Kurt Edler.

Wiel er Tiet as Bundsvörstandssprekersche weer se gliekberechtigt mit Gunda Röstel in’t Amt. As jemehr Nafolgers sünd op’n Parteidag in’n Juni 2000 Fritz Kuhn un Renate Künast wählt worrn.

Na ehr politischen Loopbahn hett se as Bundsgewarfsföhrersche vun’n Beroopsverband vun de Aten-, Spreek- un Stimmschoolmeesters arbeit un siet 2004 as sülvststänniige PR-Beraatersche un Kommunikatschoonstrainerin.

Radcke hett een Dochter un een Söhn.

Weblenken

• „Reden. Das habe ich gelernt“, Gespräch mit Antje Radcke (hoochdüütsch)