Angelos Charisteas

Angelos Charisteas 2007

Angelos Charisteas (* 9. Februar 1980 in Serres) is en Footballspeler ut Grekenland.

Wo he speelt hett un wat he wunnen hett

Bit 2002 hett Charisteas in siene Heimat bi Aris Saloniki speelt. Denn is he na Düütschland to den SV Werder Bremen gahn. He hett mit Werder in dat Johr 2004 dat Dubbel wunnen un is Düütschen Meester un Pokalwinner wurrn. Bavenhen hett bi de EM 2004 dree Doren för Grekenland schaten, dormank dat 1:0 in't Endspeel gegen Frankriek, un is Europameester wurrn. Man bi Werder hett he sik nich dörsetten konnt. He is keen Stammspeler wurrn un is denn 2005 för 5 Mio. Euro na Ajax Amsterdam gahn. Man ok dor is he nich Stammspeler wurrn. 2006 wessel he na Feyenoord Rotterdam un bleev dor bit 2007, ehr he för 2,5 Mio. Euro wedder torüchgahn is na Düütschland. Dor hett he en Verdrag bit 2011 ünnerschreven bi den 1. FC Nürnberg. Dor is he de düerste Speler mit, den Nürnberg jemols köfft hett.

För Grekenland hett he bit lang 88 Lännerspelen (Stand: 2012) makt un is mit sien Mannschap 2004 ok Europameester wurrn.

Weblenken

Angelos Charisteas. Mehr Biller, Videos oder Audiodateien to’t Thema gifft dat bi Wikimedia Commons.