Alkaloos
En Alkaloos is’n Tostand, bi den de Lief vun en Minsch oder en Deert en to hogen pH-Weert opwiest. Dat is de Fall, wenn de pH-Weert in’t Blood över 7,45 liggt. De Referenzweert liggt twüschen 7,35 un 7,45. Wenn de pH-Weert över 7,7 stiggt, föhrt dat tomeist to’n Dood.
Dat Gegendeel vun de Alkaloos is de Azidoos, wenn de pH-Weert ünner 7,35 fallt.
Indelen
[ännern | Bornkood ännern]Dat gifft verscheden Oorden vun Alkaloos. Dat een is de respiratoorsche Alkaloos, de tostannen kummt, wenn een to veel Kohlenstoffdioxid afaten deit. Dat kann ton Bispeel bi en Hyperventilatschoon wesen. Dat annere is de metaboolsche Alkaloos, de vörkamen kann bi Breken vun suren Mageninholt, düchtig Toföhren vun alkalische Stoffen (t. B. Bicarbonat), en diuretische Therapie oder bi’n Stören vun de Nerenfunkschoon. Na de Definitschoon liggt en metaboolsche Alkaloos denn vör, wenn en to groten Basenöverschuss in de Bloodgasanalyys nawiest warrt, also en Standard-Bicarbonat-Weert vun över 25 mol/l.