Áššu

Vun Wikipedia
Wesseln na: Navigatschoon, Söök

Áššu is en Bladd op Saamsch, dat twee Maal jede Week, Dingsdags un Freedags, rutkeem. Rutkamen dee dat in Kautokeino in ene Oplaag vun 975 Stück (Stand 2006). De Chefredaktör is Anders J. Bals.

1993 keem de eerste Utgaav vun Áššu rut. Rutgeven warrt dat Bladd vun de Firma Aviisa AS. De Besitters vun Aviisa AS sünd Nordavis AS (35,0 %), de Rieksverband vun de Samen in Norwegen (32,5 %) un de Rendeertharder-Landsverband vun de Samen in Norwegen (32,5 %).

An’n 6. Februar 2008 is Áššu mit dat twete Bladd op Saamsch, Min Áigi, tohoopgahn. De Oplaag weer to lütt, dat sik dat Bladd sülvst dregen kunn un de norweegsch Regeren wull nich mehr Geld togeven. Dat ne’e Bladd heet Ávvir un kummt dree Maal in’e Week rut.

Weblenken[ännern | Bornkood ännern]