Ösentang
De Ösentang is en Warktüüch, womit man en Öös insetten deit. En Öös is en Ring ut Metall, Kunststoff oder Ledder, de in en Lock insett warrt. Dat kann passeeren, üm den Rand vun dat Lock starker un bestänniger to maken oder annere Saken as en Band vör den scharpen Rand vun dat Lock to schulen. Anwennen sünd t. B. Löcker in Schoh oder Kledaasch, wo Bänner dörföhrt warrt to’n Tobinnen. Dör de Öös warrt verhinnert, dat dat Lock inrieten deit. Mit de Ösentang kann de Öös ganz licht in dat Material indrückt warrn.
Eenige Ösentangen hebbt en Kopp to’n Dreihn, wo verscheden grote Ösen mit insett warrn künnt, wenn man den Kopp jüst so hindreiht, dat man de richtige Grött to faten kriggt. An eenige Tangen sünd ok Pinns an to’n stanten, womit man de Löcker överhööft eerst maken deiht.
In’n Fackjargon warrt Metallösen ok as Kauschen betekent, lütte Metallösen warrt bi de Seelüüd ok Gattchen nöömt.