Troopsch Küselstorm
En troopschen Küselstorm oder troopschen Warvelstorm is een Storm in den Tropen oder Subtropen. Wegen de Corioliskraft dreet sik de Störm zyklonaal. Dat heet up de Süüdhalvkugel dreet sik troopsche Küselstörm na de Wieserrichte un up de Noordhalvkugel gegen de Wieserrichte. Düsse Rotstschoon is ook de Oorsake för de typsche Spiraalform, in de sik de Wulken in düsse Aard Störm anordent. De Wind bi enen troppschen Küselstorm kann över 300 km/h snell sien.
Naams
[ännern | Bornkood ännern]
Troopsche Küselstörm med de Windstärke van enen Orka – Windstärke 12 up Beaufortskala (118 km/h) –, dreegt je na dat Gebeed in dat se upkoomt enen annern Namen:
Hurrikan
[ännern | Bornkood ännern]Een Hurrikane is een troopschen Küselstorm in’n Atlantik, Noordpazifik oostern van 180° Länge un in’n Süüdpazifik oostern van 160° Ost, in de Karibschen See un in’n Golf von Mexiko, wenn de Storm ene Middelwindstärke von över 64 Knoten het. In de Middeländsche See givt dat af un an Störme, die troopschen Küselstörm liekkoomt. So een Stoorm heet Medicane, wat sik uut Mediterranean Sea (engelsch Middelländsche See) un Hurricane (engelsch för Hurrikan) tohope sett.
Taifun
[ännern | Bornkood ännern]Een Taifun is een troopschen Küselstorm in Oost. un Süüdoostasien un in’n noordwestliken Pazifik, in’n Westen van de internatschonale Datumsgrenze un nöördlik van den Äquater.
Zykloon
[ännern | Bornkood ännern]Een Taifun is een troopschen Küselstorm in’n Indschen Ozeaan un in’n süüdliken Pazifik. In’n indschen Ozeaan koomt Zykloons in’n Nooden (in’n Golf von Bengalen un in de Araabsche See) un in’n Süden van den Äquater up (bi Mauritius, La Réunion, Madagaskar un de afrikaanschen Oostküste un ook de austraalsche Westküste). In’n Pazifik heet alleen Küselstörm in’n Süden van den Äquater und westlik van 160° Oost Zykloon.
Nettverwiese
[ännern | Bornkood ännern]
Tropischer Wirbelsturm. Mehr Biller, Videos oder Audiodateien to’t Thema gifft dat bi Wikimedia Commons.