Wörtel (Plant)
De Wörtel od. Wöttel, ok Wuddel (f. pl. Wörteln od. Wötteln) is een vun de wichtig Deel bi alle Planten. De anner wichtig Delen sün: erstens de Stamm (bi de Bööm) oder Struukwark (bi Büsch un Strüker) un twetens dat Blattwark.
De Wötteln wasst na de Eer rin un bild dor mit de lütteren Sprossen un de Wöttelhoor een grotes Wöttelwark. Bi de Planten is dat ünnerscheedlik wie de Wötteln wassen doot, eenige wasst in de Hauptsaak direktemang na ünnen un billt an düsse Pahlwöttel direkt Wöttelhoor, annere wasst knapp ünnere Eer breet utenanner un billt mit lütte Wöttel un Wöttelhoor eene so grote Fläk wie baven an’n Boom de Kroon oder dat Blattwark is. De Wötteln hebbt in groten un ganzen twee Hauptupgaven: erstens mööt se de helen Planten in de Eer fastholen, dormit se nich ümfallen doot, un twetens versorgt se de Planten mit all’ns nödige ut de Eer, wie Water un Mineralstoffen.
