De Born vun Wiepelnbusch wiesen.

'''Wiepelnbusch''' ({{S|de|''Wiepelnbusch''}}) is en ehmalig Eddelgood in de [[Gemeen Langwedel]] in’n [[Landkreis Veern]], [[Neddersassen]]. Binnen de Gemeen höört de Oort to [[Hagen-Grinnen]] un to de polietsche [[Oortschop]] [[Ädelsen]].

== Geografie ==

Dat Good liggt in de [[Masch]] twüschen de [[Werser]] un de [[Ole Aller]]. Vondaag föhrt de [[Slüüs Langwedel|Slüsenkanaal Langwedel]] dicht bi Wiepelnbusch langs.

De Öörd ümto sünd [[Ädelsen]] un [[Koppeln]] in’n Noorden, de [[Cluvenhagen]]er Oortsdelen [[Wurth]] un [[Läss’l]] in’n Noordoosten, [[Launborg]] un [[Cluvenhagen]] in’n Oosten, [[Fössen]] in’n Süüdoosten, [[Olenhude]] in’n Süden, [[Hagen (Gemeen Langwedel)|Hagen]] un [[Grinnen]] in’n Süüdwesten un [[Bauen (Achem)|Bauen]] in’n Noordwesten.

== Historie ==

Wiepelnbusch weer von 1645 bet 1650 in Besitt von Hermann Thomas von Stuivenberg, de dat 1650 för 900 [[Rieksdaler]] an Erasmus von Rönn verköfft hett. Erasmus sien Söhn Johann von Rönn is 1695 storven. Toeerst harr Johann siene Fro Lucke, borene von Sandbeck, dat Good in Besitt. Nadem se 1703 ok doodbleven is, hett ehr Süstersöhn Garlef Jürgen von Skölln dat Good arvt.

Later hett dat Good de Familien [[von Plate]] un [[von der Decken]] tohöört.


=== Verwaltungsgeschicht ===

In de [[Franzosentied]] hett de Oort toeerst 1810 bet 1811 binnen dat [[Königriek Westfalen]] to de Mairie Hagen-Grinnen in’n [[Kanton Achem]] höört un denn von 1811 bet 1814 to dat [[Eerst Franzöösch Kaiserriek|Franzöösche Kaiserriek]] ünner [[Napoleon]] un dor to de [[Mairie Bauen]] in’n [[Kanton Achem]].

Dat Good hett vör 1852 to de Oostvaagdie von dat [[Gogericht Achem]] tohöört, dat 1852 denn to dat [[Amt Achem]] worrn is. Na 1885 weer dat in’n [[Kreis Achem]]. 1932 is de Kreis Achem mit’n [[Kreis Veern]] tohoopgahn un hett den ne’en un grötteren [[Landkreis Veern|Kreis Veern]] billt.

Dat Good höört von öllers to de [[Buurschop]] un later de Gemeen [[Hagen-Grinnen]] mit bi. De Gemeen Hagen-Grinnen is an’n 1. Juli 1968 Deel von de Gemeen [[Ädelsen]] worrn, de an’n 1. Juli 1972 mit de [[Gemeenreform in Neddersassen]] Deel von de Gemeen Langwedel worrn is. Sietdem höört Wiepelnbusch binnen de Gemeen to de Oortschop Ädelsen, de en egen [[Oortsraad]] un [[Oortsbörgermeester]] hett.

=== Inwahnertall ===

{{Inwahnertall
| 1791 / 2 Füürsteden /Scharf/
| 1812 / 15 /Lasius/
| 1824 / 2 Füürsteden /Jansen/
| 1848 / 15 Lüüd, 2 Hüüs /HarseimSchluter/
| 1871-12-01 / 16 Lüüd, 1 Huus /GemGutsbPreu/
| 1885-12-01 / 11 Lüüd, 1 Huus /gemeindelexikon1885/
| 1905-12-01 / 10 Lüüd, 1 Huus /gemeindelexikon1905/
}}

=== Religion ===

Wiepelnbusch is [[Evangeelsch-luthersche Kark|evangeelsch-luthersch]] präägt un höört to dat Kaspel von de [[Kark to’n goden Heer (Ädelsen)|Kark to’n goden Heer]] in [[Ädelsen]]. Düsse Kark is 1965 trech worrn. Vörher hett dat Good to dat Kaspel von de [[Sigismund-Kark (Dauben)|Sigismund-Kark]] in [[Dauben]] tohöört.

== Footnoten ==

<references>
{{Inwahnertall-Footnoten Hannover
|Scharf=250
|Lasius=95
|Jansen=664|Jansen2=1
|HarseimSchluter=143
|GemGutsbPreu=166|GemGutsbPreu2=2
|gemeindelexikon1885=177
|gemeindelexikon1905=3
|gemeindeverzeichnis=nee
|verwaltungsgeschichte=nee
}}
</references>

{{Koordinaten|KOOR_NS=52.9824553|KOOR_OW=9.118882|WO=baven}}

[[Kategorie:Good]]
[[Kategorie:Landkreis Veern]]