West-Flannern
De Provinz West-Flannern (nedderlannsch West-Vlaanderen) is een vun de tein Provinzen vun Belgien. Dat is de Provinz in Flannern (nedderlannsch Gewest Vlaanderen), de an'n meisten in'n Westen liggt. As eenzig Provinz vun Belgien liggt se an de See.
As een Provinz in Flannern is de offiziell Spraak Nedderlannsch, man dat gifft an de Spraakgrenz de Gemeenden Spiere-Helkijn un Mesen, wo ok Franzöösch as Amtsspraak bruukt warrt. De meisten Lüde in de Provinz snackt up'e Straat un in'n Alldag jem ehren Dialekt West-Fläämsch.
De Karkengemeenden in de Provinz höört nah dat Bisdom Brügge hento.
Info
[ännern | Bornkood ännern]- Hööftstadt vun de Provinz: Brügge
- Grötte: 3197 km²
- Hööchste Punkt: Kemmelberg (156 m)
- Wichtigst Strööm un Beeken: IJzer, Leie, Mandel, Waardamme
- Inwahners: 1.220.026 (up 1. Januar 2023)
- 8 Regeerungsbezirken: Bezirk Brügge, Bezirk Diksmuide, Bezirk Ieper, Bezirk Kortrijk, Bezirk Oostenn, Bezirk Roeselare, Bezirk Tielt, Bezirk Veurne
- Dialekt: West-Fläämsch
De West-Fläämschen Gemeenden
[ännern | Bornkood ännern]Gemeenden mit den Titel Stadt hefft een (Stadt) achter den Naam
|
|
Regeerung
[ännern | Bornkood ännern]De Raat vun de Provinz vun West-Flannern hett 36 Sedels. Verdeelt sünd de so (2018-2024):
- CD&V: 10
- N-VA: 7
- Open Vld: 5
- Vlaams Belang: 5
- Vooruit: 5
- Groen: 4
De Geschäften weert föhrt vun de Ständig Deputation. Dor höört seß Liddmaten to. Vörsitter is de Gouverneur. In'n Momang (2024) is dat Carl Decaluwé.
