Verdrag vun Shimoda

Scan von en japaansche Utgaav von’n Verdrag

De Verdrag von Shimoda (russ’sch: Симодский договор oder Симодский трактат; japaansch 日露和親条約 nichiro washin jōyaku) weer en Verdrag twischen Japan un Russland, de an’n 7. Februar 1855 in Shimoda ünnertekent worrn is.

För Japan hett Toshiakira Kawaji ünnerschreven un för Russland Jewfimi Wassiljewitsch Putjatin.

De Verdrag hett ünner annern fastleggt, dat de Havens von Nagasaki, Shimoda un Hakodate för russ’sche Scheep apen stahn schöölt, dat de dor Water un Holt opnehmen köönt. Ok de Grenz twüschen Russland un Japan in’n Noorden is mit den Verdrag dat eerste Maal offiziell fastleggt worrn. De Kurilen noorden von Iturup schullen an Russland gahn, Iturup sülvs un de Eilannen in’n Süden an Japan. Op Sachalin schullen all beid lieker togang wesen. De Saak mit Sachalin hett aver to veel Stried föhrt un 1875 hebbt sik Japan un Russland denn in’n Verdrag von Sankt Petersborg nee eenigt.