Uul (Vagel)

Vun Wikipedia
(wiederwiest vun Ulen)
Zur Navigation springen Zur Suche springen
Strix varia (Stripenuul)

Uul (f, pl.: Ulen, latiensch Strigiformes) is een Vagel, den et woll op de heele Welt in üm un bi 200 Oorten geben deit. De allermierst Ulen sün bloots in de Nacht in gang un hebbt sick ok in düsse Richen besünners entwickelt. Se köönt mit ehr Ogen, de beid na vörn (un nich na de Siet) kiekt, besünners goot kieken. Wenn se rüümlik kieken wüllt, denn dreiht se den Kopp um bet to 270°. Düt Koppdreihen is mööglich, wiel se in Ünnerscheid to’n Minschen oder ok Söögdeern nich 7 sünnern 14 Halswarvels hebbt.

De Flunken vun de Ulen sün in’n Maat to’n Wicht besünners groot un de Feddern an Vör- un Achterkant sünd besünners week un dormit flücht een Uul ganz besünners lies.

Mit dat goode Kieken un dat liese Fleigen sünd de Ulen allerbest as Roofvagels inricht.

An de Fööt hebbt de Ulen, ebenso as annere Vagels, veer Töön. Een Toon dorvun köönt se ümwennen, dat heet, se dreiht em, jenadem he bruukt ward na vörn oder na achtern.

Weblenken[ännern | Bornkood ännern]

Commons-logo.svg Uul (Vagel). Mehr Biller, Videos oder Audiodateien to’t Thema gifft dat bi Wikimedia Commons.