Rüüsch
| Rüüsch, Ruusch, Bees, Bent | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Juncus | ||||||||||
| (Linnaeus) |
Rüüsch, ok Ruusch (latiensch: Juncus), in welke plattdüütsche Kuntreien ok Bees oder Bent, is dat Geslecht vun Planten, wo de Familie vun de Rüüschenplanten ehren Naam vun her hett. Wenn een nich so akraat henkieken deit, seht de Planten ut, as Gras. De Blöte is avers bi de Rüüschen lang nich so stark up Windbestöven instellt. Dorüm sütt een bi de Rüüschenblöten ok veel beter, dat dat Blöten sünd. Wenn een de denn nippe unnersöcht, denn so kann een gau de verscheden Unnerdelen vun de Blöte kunnig weern, as Blötenhüllblöer, Fruchtblatt mit Greep, Stempel un Stoffblöer.
De Kroonblöer sünd bruun oder gröön un an’n Rand kann dor en Huut över sitten. Just as bi de Gräser gifft dat bi de Rüüschen smalle Blöer un Scheden, wo de Blöer rutwassen doot. De Blöer hefft de Form vun Stengels un dor sitt keene Haar an.
De Fruchtknutten is bovenstännig un dat gifft dree bit sess Stofffadens un sess Kroonblöer. De Frucht vun de Rüüschen is en Dosenfrucht, wo veel Saat in sitten deit.
In Düütschland gifft dat 29 Aarden vun Rüüschen, in de Benelux-Länner sünd dat bi 20. Rüüschen sünd slankweg in natte un fochtige Gemarken to finnen un wasst dor as Pionierplanten. De meisten Aarden sünd mehrjöhrig un behoolt denn in’n Winter de grönen Blöer.
De Nährweert vun Rüüschen för Beester un Veeh is man minne. As Stroh könnt se avers denen.
Binnen dit Geslecht könnt sik de Aarden ok mischen. De Alpen-, Sump-, Dünen-un Feldrüüschen könnt sik unner’nanner krüzen, just so, as allerhand annere Aarden. Tomeist sünd düsse Hybriden unfruchtbor, man dat gifft Utnahmen.
Aarden
[ännern | Bornkood ännern]- Alpenrüüsch (Juncus alpinoarticulatus subsp. alpinoarticulatus)
- Besenknopp (Juncus conglomeratus)
- Kanaadsch Rüüsch (Juncus canadensis)
- Drahtrüüsch (Juncus filiformis)
- Dünenrüüsch (Juncus alpinoarticulatus subsp. atricapillus)
- Dwargrüüsch (Juncus pygmaeus)
- Greppelrus (Juncus bufonius)
- Knollenrüüsch (Juncus bulbosus)
- Kopprüüsch (Juncus capitatus)
- Noordsch Rüüsch (Juncus balticus)
- Üzenrüüsch (Juncus subnodulosus)
- Steenrüüsch (Juncus effusus)
- Plattrüüsch (Juncus compressus)
- Spiddelig Rüüsch (Juncus tenuis)
- Treckrüüsch (Juncus squarrosus)
- Feldrüüsch (Juncus acutiflorus)
- Wietblomenrüüsch (Juncus tenageia)
- Seegröön Rüüsch (Juncus inflexus)
- Seerüüsch (Juncus maritimus)
- Sotgravenrüüsch (Juncus ambiguus)
- Soltrüüsch (Juncus gerardii)
- Sumprüüsch (Juncus articulatus)
- Sweertrüüsch (Juncus ensifolius)
Kiek ok bi
[ännern | Bornkood ännern]Literatur
[ännern | Bornkood ännern]- J. Grau, B. P. Kremer, B. M. Möseler, G. Rambold & D. Triebel: Gräser, Mosaik-Verlag, München 1996, ISBN 3-576-10702-9
- H. Haeupler & Th. Muer: Bildatlas der Farn- und Blütenpflanzen Deutschlands. Ulmer Verlag, Stuttgart, 2000. ISBN 3-8001-3364-4.
- E. Oberdorfer: Pflanzensoziologische Exkursionsflora. Ulmer, Stuttgart 1994. ISBN 3-8252-1828-7.
