Super 8

Super 8 is en Filmformat. Dat Format gifft datt siet Mai 1965. Dat is en Utfund vun Kodak un is as de Upfolger vun Normal 8/Dubbel 8 dacht. De Film is all in de Kamera 8 mm breed – anners as de Dubbel 8-Film, de in de Kamera 16 mm breed is un erst na de Entwickeln in twee Normal 8-Filmen met 8 mm Breed scheden ward.

Vergliek

Mit Normal 8/Dubbel 8

Vordelen vun Super 8

De Super 8-Film kümmt in en Kassett, de bannig eenfach to inlengen is. Un de Kassett sett de Kamera in’t Bild över de Aart vun de Film (DIN-Weert, Daglucht/Kunstlucht, ...). Un de Biller op de Film sünd wegen anners Löcker grötter (4,9 mm × 3,6 mm bi Normal 8 un 5,69 mm × 4,22 mm bi Super 8).

Nadelen vun Super 8

Wegen de Fuarm vun de Kassett hett de Super 8-Kamera keen Andruckplaat. Bi dat is de Bildstand bi Super 8 en beetken gammeliger. Un de Kassett vermasselt en Torüchspolen vun de Film (for en Duppelluchtung).

Mit Video

Video un Super 8 kanns du wegen de annere Esthetik un de annere Funkschoonwies slecht verglieken - is nu de Mona Lisa vun Leonardo da Vinci better as de Fröhstück vun Paul Signac? Du kanns aver de Kosten för en Minuut Opnohm verglieken. Un da is Video bilicher. Wodat veele Lüüd glöwen, dat Video better is?

• Wiel de Reklaom for Video seggt harr, dat Video better is.
• Wiel dat ook Pröddel-Super 8-Reedschopen geven deit.
• Wiel dat nich sau eenfach is, mit Super 8 to filmen. (Un dat um dat veele slecht Filmen geven deit.)
• Wiel veele blot de Video-Överspeelen ut de 1980er/1990er Johren kennen. Un de weern bannig gammelig - aver neet wegen de Film, sunnern wegen de Överspeelmaschienen vun dunnmaals.

Afwanneln

• De japaansche Firma Fuji het de Super 8-Film in en annerw Kassett bruken, de Single 8-Kassett.
• Dubbelsuper 8 (DS8) is en Film met Super 8-Löcker un en Breed vun 16 mm. Evenso wi de Duppel 8-Film ward he erst na de Entwickeln scheden (in twee Super 8-Filmen).

Verleden Tied

Bit in de 1980er Johren hebbt bannig veel Lüüd Super 8 bruukr, üm jemehr Kinner un Urlauben to filmen. Nu nehmen se tomeist Video dorto.

Nutied

Siet de 1980er Johren nehmen welke Filmers Super 8 wegen de annere Esthetik, to'n Bispill for Reklaam, Musikvideos un Szenen, de in de verleden Tied spelen.

Nee Super8-Filmen givt et vun Kodak un Adox, nee DS8-Filmen givt et vun Foma. Un et givt Firmen, de uut 35mm-Filmen Super8/Single8/DS8-Filmen maken, to'n Bispill Wittner, Kahl, Retro8 un Pro8mm.

Tokumst

Kodak het for 2016/2017 en nee Kamera künnig maken. Un FilmFerrania will opneegst ook Super8-Filmen fardigen.

Biller

• 
  En Vergliek vun de Filmformaten Normaal8, Super8 un Duppel8
• 
  En Super8-Film vun Agfa in de Kasätte
• 
  En Projektor met magnetisch Stereoklang
• 
  En Kamera
• 
  En Ankieker
• 
  Twee Maschinen un twee Aarten, de Film to editeeren: natt (met en lubberich Klever; rechterhand) un dröög (met en Aart Tesafilm; linkerhand)