Standard & Poor’s
Standard and Poor’s Corporation (S&P) is en internatschonal bekannt Kredit-Ratingagentur. Se entstunn 1941 ut dat Verschmülten vun de US-amerikaansch Firmen H.V. & H.W. Poor Co. un Standard Statistics Bureau. Siet 1966 is S&P en Dochtersellschopp vun McGraw-Hill. Karnberiek vun de Sellschopp is dat Bewerten un de Analyse vun anner Ünnernehmen un Sellschoppen (sünners hör Bonität) up Basis vun Aktien un Anleehen. S&P tellt neben de lüttgere Ünnernehmen Moody’s un Fitch Ratings to de Groot Dree („Big Three“) in disse Beriek. Buterdem erstellt S&P tallriek Aktienindices vun de amerikaansch Börsen un Rohstoff-Indices. Neben de Zentraal vun dat Ünnernehmen in New York City gifft dat 38 Standoört an Finanzplatzen in de ganz Welt, dorvan söben in Europa, dorünner ok Frankfort (Stand: 2011)[1].
