Rode Krüüz

Disse Artikel is man blots en Stubben. Du kannst Wikipedia helpen un em verbetern.

De Symbole, de den verscheden Organisatschonen den Namen geevt – da Rode Krüüz un de rode Halvmaan up witten Achtergurnd

Dat Rode Krüüz, med vullen Namen Internatschonale Roodkrüüz- un Roodhalvmaanbewegunge betekent dat Internatschonale Komitee van den Roden Krüüz (IKRK) (engelsch offitschell International Committee of the Red Cross (ICRC)), de Internatschonale Föderatschoon van den Roodkrüüz- un Roodhalvmaansellschoppen (engelsch offitschell International Federation of Red Cross and Red Crescent Societies (IFRC)) un de natschonalen Roodkrüüz- un Roodhalvmaansellschopppen. Dat sind allens Organisatschonen, de den Recht na unafhängig sind, de man gemeensame Prinzipien, Symbole, Statuten un Misschonen verbind. De Misschoon van düssen Organisatschonen un Verenen is weltwied – unafhängig van staatliken Instituschonen un up Grundlage van friewillige Hülpe – dat Leven, de Gesundheed un de Wörde van den Minschen to schulen un dat Leed un de Nood to vermindern, gans egaal wat för ene Natschonaliteet, Afkumst, Religioon oder politsche Ansichten düsse Minschen hebbet.

Dat Internatschonale Komitee van den Roden Krüüz (IKRK) to gründen het Henry Dunant vœrslaan, so dat 25 Swiezer Staatsbörger 1863 düt Oragnisatschoon upricht hebbet. Dat Komitee es vandage de öldste internatschonale medizinsche Hülporganisatschoon. Se is tohoop med den Hiligen Stool un den Souveränen Malteser-Ridderorden ene mang de wenigen nichstaatliken Völkerrechtssubjekte. De allenig humnaitäre Misschon is, up Grundlage van den Prizipien Unparteilikheed, Neutraliteet un Unafhängiheed, dat Leven un de Wörde van Offers in Kriegen un Kunflikten binnen Staten to schulen un waren.

De Internatschonale Föderatschoon van den Roodkrüüz- un Roodhalvmaan-Sellschoppen, wat de Nafolger van de Liga van den Roodkrüüz-Sellschoppen is stimmt de Tohooparbeed twischen den natschonalen Roodkrüüz- un Roodhalvmaan-Sellschoppen af un givt Stütte niege natschonale Sellschoppen uptorichten. Internatschonaal stüürt de Föderatschoon, tohope med den natschonalen Sellschoppen, Hülpmisschonen bi Noodlagen, de nich Kriege man Natuurkatastrophen oder Epidemien os Oorsake hebbet.

De natschonalen Roodkrüüz- un Roodhalvmaan-Sellschoppen sind Organisatschonen in meest allen Länders weltwied, de in den Länder na den humanitären Völkereecht un den internatschonalen Roodkrüüzstatuen aktiv sind un de Arbeed van den IKRK un de Föderatschoon stüttet. De wichtigsten Upgaven in den Länder sind de Hülpe bi Katastrophen un ook de Genfer Kunventschoon to verbreiden. So wied dat mööglik is könnt se ander sotschale un humanitäre Upgaven œvernemen. Dat sind to’n Bispeel in velen Länder Bloodspenden, den Noodhülpdeenst oder Ooldenplege un Sotschaalarbeed.

Nettverwise

Rood Krüüz. Mehr Biller, Videos oder Audiodateien to’t Thema gifft dat bi Wikimedia Commons.

• International Red Cross and Red Crescent Movement (engelsch, fransch, spaansch, araabsch)
• International Committee of the Red Cross (ICRC) (deutsch, engelsch, fransch, spaansch, araabsch u. a.)
• International Federation of Red Cross and Red Crescent Societies (IFRC) (engelsch, fransch, spaansch, araabsch)
• Informatschonen van de Nobelstiftung to de Prisuutgave 1917 an dat Internatschonel Komitee van den Roden Krüüz (engelsch)
• Informatschonen van de Nobelstiftung to de Prisuutgave 1944 an dat Internatschonel Komitee van den Roden Krüüz (engelsch)
• Informatschonen van de Nobelstiftung to de Prisuutgave 1963 an dat Internatschonel Komitee van den Roden Krüüz un de Liga van den Roodkrüüz-Sellschoppen (engelsch)
• Abkommen zwischen dem Schweizerischen Bundesrat und dem Internationalen Komitee vom Roten Kreuz
• International Review of the Red Cross. Tidschrift van den IKRK (engelsch, fransch)