Robert Swinhoe
Robert Swinhoe (* 1. September 1836 in Kolkata; † 28. Oktober 1877 in London) weer en britisch Natuurforscher, Ornitholoog, Lepidopteroloog un Zooloog. Sien offiziell botanisch Autorenkürzel is „Swinhoe“.
Leven
[ännern | Bornkood ännern]Swinhoe weer de Bröer vun Charles Swinhoe, en Grünnensliddmaat vun de Bombay Natural History Society.
He wurr in Kolkata (Indien) boren, studeer an de University of London un is 1854 den konsularischen Korps in China bitreden. In sien free Tiet in China hett he natuurhistorsch Proeben sammelt, un wiel völ vun den vun hüm besöcht Rebeeden noch nie tovör för abendländisch Forschers togänglich weern, weern völ vun de vun hüm sammelt Oorten nee för de Wetenschap. Wege sien Swoorpunkt as Ornitholoog weern völ vun sien opdeckt Oorten Vögels, aber ok Fischen, Insekten (so as Bottervagels) un Söögdeerten wurr vun hüm sammelt. 1862 kehr he mit sien Sammlungen nah England torüch. Völ vun de vun hüm opdeckt Vagels hett John Gould in sien Wark Birds of Asia (1863) upführt.
Tallriek Vagels un anner Deerten wurrn nah Swinhoe nömmt, so bispeelswies de Swinhoewellenlöper (Oceanodroma monorhis), de he sülvst 1867 eerstmals beschreven harr.
Weblenken
[ännern | Bornkood ännern]
- Indrag un List vun de beschreven Plantennaams för Robert Swinhoe bi IPNI
- DNB-Katalog
- Personennaamdatei