Plättbrett
.jpg)
Dat Plättbrett (n. pl. Plättbreder), mennigeen seggt ok Plättdisch dorto, is een Reedschop in’n Huushold un ward hernomen to’n Plätten (glatt maken) vun de Wäsch. Hüttodags is dat mihrstens een Ünnerstellasch ut Iesen oder Lichtmetall to’n Tohoopklappen un dorup keem fröher een Brett un vundag een Iesenrösten wo een Laken öberspannt ward. An enen End is noch een Afstell för dat Plättiesen.
Dat Plätten süüt denn so ut, dat de Wäsch, se schöll noch nich to dröög ween, op dat Brett leggt ward, schön glatt trocken un denn mit dat hete Plättiesen doröber.
