Oldnzel

Oldnzel is ene Stadt in de Gemeen Oldnzel in Tweante in den Ossen vun de Provinz Oaveriessel vun de Nedderlannen. Se is nah an Düütschland. De Stadt hett weniger denn 40 000 Inwahners. De Stadt liggt an de Autobahn A1. In Oldnzel staht de St.-Plechelmusbasilika ut dat 13. Johrhunnert, in romaanschem Stil, mit gootschen Anboten. De bekannteste Textilfabrik is de vun Gelderman, de öllste de vun S.I. Zwartz. De Stadt hett een vun't starkste Wassen vun de Weertschop pro Quadraatkilometer in de Nedderlannen. Üm de Stadt is ene Parklandschop. De Stadt hett den Ökelnaam Glimlach van Twente. De Karneval treckt Besökers vun buten an. De Europääsche Fernwanderweg E11 löppt dörch Oldnzel.

Historie

In de röömsche Tiet läwten wahrschienlich Tubanten in't Rebeet vun't Oldnzel vun uns Tiet. 765 boote de schottsche Mönk Plechelmus ene Kark. In de tweede Hälft vun't 8. Johrhunnert weer in Oldnzel ene köönigliche Domään. In't Medelöller harr de Stadt den Naam Aldensele. Wiels de Bischop Balderik vun Utrecht 954 een Kapitel mit de St.-Plechelmusbasilika vun uns Tiet verbunnen hett, warr Oldnzel dat religiöse Zentrum vun Tweante. De düütsche Kaiser Hinnerk III. geev 1049 dat recht enen Wekenmarkt un an den 21. Oktober vun jedet Johr enen Johrmarkt to hollen. Nich nah 1249 kreeg Oldnzel de Stadtrechten. In't late Medelöller warr Oldnzel Liddmaat vun de Hanse. 1492 weer de Helmichbrand. Nah den Freeden vun Mönster bleef Oldnzel ünner reformeerte Regeren. De Stadt warr mit Utnahm vun de Mönstersche Besetzung üm 1673 reformeert regeert. In't 19. Johrhunnert kehm de Textilindustrie nah Oldnzel. Um 1965 kehm de Textilindustrie to en End.

Literatur

Herbert Wagner: Die Gestapo war nicht allein... Politische Sozialkontrolle und Staatsterror im deutsch - niederländischen Grenzgebiet 1929–1945. LIT-Verlag. Münster 2004

Weblenk

• Siet vun de St.-Plechelmusbasilika (Nedderlannsch)