Böverbörgermeester
(wiederwiest vun Oberbörgermeester)
In gröttere Städer vun Düütschland (in Kreisfre’e Städer, in ene Grote Kreisstadt, in grote sülvststännige Städer) gifft dat enen Böverbörgermeester un dorto enen oder en Reeg Börgermeester. Bi de Wahl to den Oberbörgermeester gifft dat in de düütschen Länner Ünnerscheden, de in de Gemeendeordnung regelt sünd.
In Hamborg warrt he de Eerste Börgermeester beneumt. In Berlin gifft den Regeerenden Börgermeester, in Ost-Berlin obers bit 1991 ok enen Böverbörgermeester. In Bremen heet he Börgermeester un Präsident vun den Senat, in Bremerhoben gifft dat obers ok enen Böverbörgermeester.
In Däänmark heet de Amtstitel Overborgmester. In Länner mit ingelsch Spraak ward de Naam Lord Mayor un in Tschechien Primator brukt.