Ni’jlusen
Ni’jlusen oder Ni’jluusn ([nɪj.lyːzn̩] „Nijlüsen“, nedderlandsch Nieuwleusen) is en Dörp in de Provinz Oaveriessel in’n Ossen van de Nedderlannen. Dor leevt üm un bi 5930 Lüüd (2008). Ni’jlusen liggt in de Gemeende Dalsen; annere Öörd vun düsse Gemeende sünd Dalsen, Oldlusen, Lemelerveld un Hoonhorst. Dat Dörp liggt in dat Vechtedal vun Oaveriessel, mank de Strööm de Riest un de Vechte, un neet wiet vun de Provinzhööftstadt Zwolle.
Grünnt wurrn is Ni’jlusen vun Moorsiedlers vun de Luessener Compagnie in dat 17. Johrhunnert. In dat 19. un 20. Johrhunnert keem langs Ni’jlusen dat wichtige Kanal de Dedemsvaort. Dat Dörp weer bit 2001 en Gemeende, keem denn aver to Dalsen. Bannig wichtig weer in dat 20. Johrhunnert de Fohrradindustrie (de Fabrik Union).
In Ni’jlusen ward neben dat Nedderlannsch ok Neddersassisch snackt.
Beropene Inwahners
[ännern | Bornkood ännern]- Willem Jan baron van Dedem (1776-1851), Initiater vun den Kanal de Dedemsvaort
- Hendrik Entjes (1919-2006), Perfesser för Neddersass’ Spraak un Literatur
- Manon Flier (1984), Volleyballspelerin vun de Nedderlannsche Natschonalmannschop
- Jan Zantinge (1927-1996), Neddersass’sch Schriever