Nete

Nete vun en Minschenluus, good to sehn is de Liem, wo se mit fastbackt is

En Nete (Plural: Neten) is dat Ei vun en Luus, de as Parasit up Deerter un Minschen sitten deit. Sunnerlich bi Minschenlüse, as Koppluus oder Schaamluus sünd se bekannt. Neten sünd bannig lüttjet un mit bloten Oge kuum to sehn. Wenn een gegen Lüsebefall gegenangeiht, is dat faken swaar, de Neten los to weren. De lüttjen Lüseeier weert mit en Kleevstoff, nich wiet af vun de Kopphuud, an't Haar anbackt. Düsse Kleevstoff lööst sik nich in Water up. Vundeswegen hölpt dat Waschen vun de Haar mit Seepen oder Shampoo nich gegen Neten. Dor mutt denn en Luuskamm for bruukt weern. En Nete besteiht ut dat Ei in de Form vun en Tunne, mit en lüttje Klappen (Operculum) bovenup. Dor kruppt de Nymphe ut, wenn dat Embryo sowiet is.