De Born vun Ne’enkarken (Swonewebel) wiesen.

{{Dörpbox
|NAAM=Ne’enkarken
|STAAT=Düütschland
|LIGGT_IN=
:[[Bundsland (Düütschland)|Bundsland]]: [[Neddersassen]]
:[[Landkreis]]: [[Landkreis Oosterholt|Oosterholt]]
:[[Gemeen (Düütschland)|Gemeen]]: [[Gemeen Swonewebel|Swonewebel]]
|WAPEN=Wapen Ne’enkarken.svg
|FLAGG=
|KOORT=
|FLACH=16.81
|HÖÖCHD=5
|HÖÖCHD_REF=NHN
|KOOR_NS=53.2337026
|KOOR_OW=8.5142424
|INWAHNERS=3405
|INWAHNERS_TIET=2012-06-30
|POSTLEETTALL=28790
|VÖRWAHL=0421
|WEBSTEED=
}}
'''Ne’enkarken''' ({{S|de|''Neuenkirchen''}}) is en Dörp in de [[Gemeen Swonewebel]] in’n [[Landkreis Oosterholt]], [[Neddersassen]]. Binnen de Gemeen billt de Oort en egen polietsche [[Oortschop]].

Bi de Oortschop höört ok de Oort [[Vörbrook]] mit [[Gösp]] un [[Stellerbrook]] mit to. Vörbrook is vondaag aver mit Ne’enkarken tohoopwussen.

== Geografie ==

De Oort liggt op’n Rand von de [[Oosterholter Geest]] ([[Bremer Swiez]]) hen na de [[Masch]] langs de [[Werser]]. De Masch is de Anfang von de Landschop [[Oosterstood]]. Dat Water ut dat Rebeed flütt över dat [[Möhlenfleet]] na de Werser af.

De Naveröörd sünd [[Rade (Swonewebel)|Rade]] un [[Aschwarden]] in’n Noorden, [[Hinnebeek]] un [[Meyenborg]] in’n Noordoosten, [[Swonewebel]] in’n Oosten, de [[Bremen|Bremer]] Stadtdeel [[Bockhorn]] in’n Süüdoosten, [[Reken]] un [[Farge]] in’n Süden un [[Elsfleth]] in’n Westen.

== Historie ==

De eerste Kark in Ne’enkarken is in dat 9. Johrhunnert boot worrn. 1192 is en ne’e Feldsteen-Kark boot worrn. Düsse Kark is de ''Ne’e Kark'' nöömt worrn un dorvon hett de Oort sien hüdigen Naam. De Kark is 1768 nochmaal wedder nee boot worrn in ehr hüdige Form as Gebüüd ut Tegelsteen.

1588 hett de Oort [[Marktrechten]] kregen.

In’n Oktober 1943 is op de [[Ne’enkarker Heid]] dat [[KZ Farge]] inricht worrn.

In’n Süüdoosten von’n Oort doot de [[Werser-Geest-Kasern]], de [[Lützow-Kasern (Swonewebel)|Lützow-Kasern]] un en Truppenövungsplatz liggen. De Kasern hett 2015 dichtmaakt. 2007/2008 al is dor aver dat Museum [[Baracke Wilhelmine]] inricht worrn, dat ok vondaag noch besteiht.

=== Verwaltungsgeschicht ===

In de [[Franzosentied]] hett de Oort toeerst 1810 bet 1811 binnen dat [[Königriek Westfalen]] to de Mairie Neenkarken in’n [[Kanton Blomendal]] höört un denn von 1811 bet 1814 to dat [[Eerst Franzöösch Kaiserriek|Franzöösche Kaiserriek]] ünner [[Napoleon]] un dor to de [[Mairie Blomendal]] in’n [[Kanton Vesack]].

De Oort hett vör 1885 to de Amtsvaagdie Ne’enkarken von dat [[Amt Blomendal]] tohöört. Na 1885 weer dat in’n [[Kreis Blomendal]], de 1932 Deel von’n [[Landkreis Oosterholt|Kreis Oosterholt]] worrn is.

De Oort weer fröher en egenstännige Gemeen. 1929 is de Gemeen Vörbrook mit de beiden lüttjeren Öörd Gösp un Stellerbrook an de Gemeen Ne’enkarken kamen. Von 1966 bet 1974 weer Ne’enkarken sogor de Seet von de [[Samtgemeen Ne’enkarken]]. Mit de [[Gemeenreform in Neddersassen]] an’n 1. März 1974 is de Gemeen denn aver Deel von de Gemeen Swonewebel worrn. Sietdem billt dat Dörp en Oortschop mit [[Oortsraad]] un [[Oortsbörgermeester]] binnen de Gemeen.

=== Inwahnertall ===

{{Inwahnertall
| 1791 / 60 Füürsteden /Scharf/
| 1812 / 345 /Lasius/
| 1824 / 63 Füürsteden /Jansen/
| 1848 / 429 Lüüd, 66 Hüüs /HarseimSchluter/
| 1871-12-01 / 447 Lüüd, 88 Hüüs /GemGutsbPreu/
| 1885-12-01 / 439 Lüüd, 84 Hüüs /gemeindelexikon1885/
| 1905-12-01 / 527 Lüüd, 90 Hüüs /gemeindelexikon1905/
| 1910-12-01 / 481 /gemeindeverzeichnis/
| 1925 / 550 /verwaltungsgeschichte/
| 1933 / 1132* /verwaltungsgeschichte/
| 1939 / 1405* /verwaltungsgeschichte/
}}
: * tohoop mit Vörbrook, Gösp un Stellerbrook

=== Religion ===

Ne’enkarken is [[Evangeelsch-reformeerte Kark|evangeelsch-reformeert]] präägt un billt mit de [[Michael-Kark (Ne’enkarken)|Michael-Kark]] en egen Kaspel.

För de [[Kathoolsche Kark|Kathoolschen]] is de [[Marienkark (Blomendal)|Marienkark]] in Blomendal tostännig.

De Doden warrt op’n [[Karkhööv in’n Landkreis Oosterholt#Karkhoff Ne’enkarken|Karkhoff bi de Kark]] begraven. Deelwies sünd de Lüüd fröher ok op’n Karkhoff Sandesch begraven worrn, de vondaag aver achter de Landsgrenz na [[Bremen (Land)|Bremen]] liggt un to Reken höört.

=== Wapen ===

Dat [[Wapen (Heraldik)|Wapen]] von Ne’enkarken wiest baven op roden Grund en sülvern Karktoorn mit twee Linnenbläder rechts un links un ünnen op sülvern Grund en roden Streekbalken, de von baven vörn na ünnen achtern geiht.

Utklamüsert het dat Wapen de Heraldiker [[Albert de Badrihaye]]. Dat is an’n 25. August 1967 genehmigt worrn. De Toorn steiht för de Michael-Kark un de Linnenbläder för dat ole Gericht Ne’enkarken. Dat Feld ünnen is dat Wapen von de Eddelfamilie von Stelle, de ünner annern de Kark boot hett.

=== Oortsraad ===

{{Wahl
|Typ =       Oortschop
|Land =      DE-NI
|TallMaten = 9
|P1 =        CDU
|P2 =        SPD
|P3 =        WG
|P4 =        Gröne
|W1 =        2011
|W2 =        2016
|TallMatenW2 = 8
|W1Man =     1 / 5 / 2 / 1
|W2Man =     2 / 4 / 2 / 
}}

;Liddmaten:
* 2011:
*: SPD: Angelika Cordes, Harald Grote, Frank Schneider, Roger Schöning, Annette von Wilcke-Brumund
*: CDU: Werner Musfeld
*: Gröne: Hardmuth Groß
*: WG: Thomas Holler, Udo Prinz
* 2016:
*: CDU: Jan Arfmann, Werner Musfeld
*: SPD: Angelika Cordes, Harald Grote, Frank Schneider, Roger Schöning
*: WG: Thomas Holler, Udo Prinz

=== Oortsbörgermeesters ===

{| class="Tabell" 
|-
! Tied || Naam || Partei
|-
| –31. Oktober 2016 || Annette von Wilcke-Brumund || [[SPD]]
|-
| 1. November 2016– || Angelika Cordes || [[SPD]]
|}

== Kultur ==

=== Verenen ===

De [[Schüttenvereen]] Ne’enkarken is 1932 grünnt worrn un de Sportvereen 1. FC Ne’enkarken 1980.

De Vereen von de Heimatfrünn Ne’enkarken hett sik an’n 27. März 1960 grünnt.

== Weertschop un Infrastruktur ==

Ne’enkarken hett en egene [[freewillige Füürwehr]], de an’n 11. Oktober 1902 grünnt worrn is.

De [[Volksbank Oosterholt-Scharmbeek]] hett en Filiaal in Ne’enkarken in’n ''Raiffeisenweg 2''.

=== Verkehr ===

Dör Ne’enkarken löppt de [[Kreisstraat 2 (Landkreis Oosterholt)|Kreisstraat 2]], de in’n Noorden över Rade un Aschwarden na’n [[Landkreis Cuxhoben]] geiht un in’n Süden na de Landsgrenz na Bremen un wieder na Reken un Farge. Von de K&nbsp;2 geiht in’n Süüdoosten de [[Kreisstraat 26 (Landkreis Oosterholt)|K&nbsp;26]] af an de [[Landsstraat 149 (Neddersassen)|Landsstraat 149]]. De L&nbsp;149 föhrt in’n Süüdwesten ok na Reken un Farge un in’n Oosten na [[Swonewebel]] an de [[Landsstraat 134 (Neddersassen)|L&nbsp;134]] un wieder na [[Oosterholt-Scharmbeek]].

De nächsten Autobahnen sünd de [[Bundsautobahn 27|Autobahn 27]] (Afsnidd [[Bremerhoben]]–[[Bremen]]) un de [[Bundsautobahn 270|Autobahn 270]]. De [[Opfohrt 14 (A 27)|Opfohrt 14 Swonewebel]] op de A&nbsp;27 liggt so ölven Kilometer in’n Oosten von Ne’enkarken an de [[Landsstraat 149 (Neddersassen)|L&nbsp;149]]. De Opfohrt op de A&nbsp;270 liggt söven Kilometer in’n Süüdoosten.

De nächste Bahnhoff is knapp veer Kilometer wied weg in’n Süden de [[Bahnhoff Farge]] an de [[Bahnlien Farge–Vesack]]. Dor föhrt de Lien RS&nbsp;1 von de [[Regio-S-Bahn Bremen/Neddersassen]], de von [[Farge]] bet na [[Veern]] geiht.

=== Scholen ===

De Oort hett mit de [[Grundschool Ne’enkarken]] en egen School.

== Literatur ==

* Martin Baake: ''Aus der Vergangenheit und Gegenwart des Dorfes Neuenkirchen.'' Friedrich Pörtner, Blomendal 1983

== Footnoten ==

<references>
{{Inwahnertall-Footnoten Hannover
|Scharf=162
|Lasius=106
|Jansen=432|Jansen2=1
|HarseimSchluter=132
|GemGutsbPreu=158|GemGutsbPreu2=2
|gemeindelexikon1885=172
|gemeindelexikon1905=20
|gemeindeverzeichnis=blumenthal
|verwaltungsgeschichte=osterholz
}}
</references>

== Weblenken ==

{{Commons}}
* [http://www.heimatfreunde-neuenkirchen.de/ Websteed von de Heimatfrünn Ne’enkarken] (hoochdüütsch)

{{Navigatschoonsliest Öörd in de Gemeen Swonewebel}}

[[Kategorie:Oort]]
[[Kategorie:Landkreis Oosterholt]]