De Born vun Maschen wiesen.

{{Anner Bedüden}}
{{Dörpbox
|NAAM=Maschen
|STAAT=Düütschland
|LIGGT_IN=
:[[Bundsland (Düütschland)|Bundsland]]: [[Neddersassen]]
:[[Landkreis]]: [[Landkreis Horborg|Horborg]]
:[[Gemeen (Düütschland)|Gemeen]]: [[Gemeen Seevdaal|Seevdaal]]
|WAPEN=DEU Maschen COA.svg
|FLAGG=
|KOORT=
|IMAGEMAP={{Imagemap Seevdaal|Maschen in Seevetal.svg}}
|FLACH=
|HÖÖCHD=14
|HÖÖCHD_REF=NN
|KOOR_NS=53.391667
|KOOR_OW=10.035556
|INWAHNERS=9028
|INWAHNERS_TIET=2017-12-31
|POSTLEETTALL=21220
|VÖRWAHL=04105
|WEBSTEED=
}}
'''Maschen''' ({{S|de|''Maschen''}}) is en Dörp in de [[Gemeen Seevdaal]] in’n [[Landkreis Horborg]], [[Neddersassen]].

De Oort besteiht ut twee Delen. Dat ole Dörp Maschen, fakener ''Maschen-Dörp'' nöömt, un en ne’ere Wahnsiedlung in’n Süden, de ok ''Maschen-Heid'' nöömt warrt. Maschen-Heid is deelwies mit dat Dörp [[Host (Landkreis Horborg)|Host]] tohoopwussen. To Maschen höört ok de Hoff [[Freschenhusen]] mit bi.

== Geografie ==

Dat Dörp liggt an’n Noordrand von de [[Lümbörger Heid]] an dat rechte Över von de [[Seev (Stroom)|Seev]]. In’n Westen is dat Naturschuulrebeed [[Oold Moor]] un in’n Oosten de [[Stemmbrook]].

De Naveröörd sünd [[Hössen (Landkreis Horborg)|Hössen]] in’n Noordoosten, [[Stell (Landkreis Horborg)|Stell]] mit [[Fachenfelln]] in’n Oosten, [[Ashusen]] mit [[Büllhorn]] un Kieselshöh in’n Süüdosten, [[Ohlendörp (Landkreis Horborg)|Ohlendörp]], [[Ramßel]] un [[Host (Landkreis Horborg)|Host]] in’n Süden, [[Helmstörp]] un [[Lindhost]] in’n Süüdwesten, [[Jehrden]], [[Karoxbossel]], [[Hittfeld]] un [[Emmelndörp]] in’n Westen un [[Fleest (Landkreis Horborg)|Fleest]], [[Glüsen (Gemeen Seevdaal)|Glüsen]] un [[Mäkelfeld]] in’n Noordwesten.

== Historie ==

Maschen kummt 1294 as ''Merschene'' (Enn von de [[Masch]]) toeerst in de Oorkunnen vör. Bi Maschen is 1958 aver ok en Grafffeld ut de [[Sassen (Volk)|Sassentied]] in dat 9. Johrhunnert funnen worrn. To de Funnen von dit Grafffeld höört ünner annern de [[Schievenfibel von Maschen]].

In de Franzosentied von 1810 bet 1814 hett de Oort to de [[Mairie Parrns]] in’n [[Kanton Winsen an de Luh|Kanton Winsen]] höört. Dat Rebeed hett in disse Tied 1810 to dat [[Königriek Westfalen]] un von 1811 bet 1814 to dat [[Eerst Franzöösch Kaiserriek|Franzöösche Kaiserriek]] ünner [[Napoleon]] höört.

De Oort hett vör 1885 to de Vaagdie Parrns in dat [[Amt Winsen an de Luh|Amt Winsen]] tohöört. Blots in de Tied von 1852 bet 1859 weer de Oort kort in dat [[Amt Parrns]]. Na 1885 weer Maschen in’n [[Kreis Winsen]]. 1932 is dat Dörp Deel von’n [[Landkreis Horborg]] worrn.

De Oort is an’n 1. Juli 1972 tohoop mit 18 annere Gemenen Deel von de Gemeen Seevdaal worrn.

In’n [[Eerst Weltkrieg|Eersten Weltkrieg]] sünd 23 Soldaten ut Maschen fullen oder vermisst un in’n [[Tweet Weltkrieg|Tweten Weltkrieg]] 95.<ref>http://www.denkmalprojekt.org/dkm_deutschland/maschen.htm</ref>

=== Inwahnertall ===

{{Inwahnertall
| 1812 / 302 // Albrecht Friedrich Ludolph Lasius: ''Der französische Kayser-Staat unter der Regierung des Kaysers Napoleon des Großen, im Jahre 1812, Band 1.'' Kißling 1813, Sied 62: http://books.google.de/books?id{{=}}Q_5OAAAAcAAJ&pg{{=}}PA62
| 1824 / 30 Füürsteden // C. H. Jansen: ''Statistisches Handbuch des Königreichs Hannover.'' 1824, Sied 898: http://books.google.de/books?id{{=}}tG0AAAAAcAAJ&pg{{=}}PA898
| 1848 / 376 Lüüd, 48 Hüüs // Friedrich W. Harseim, C. Schlüter: ''Statistisches Handbuch für das Königreich Hannover.'' 1848, Sied 104: http://books.google.de/books?id{{=}}eOI-AAAAcAAJ&pg{{=}}PA104
| 1871-12-01 / 435 Lüüd, 65 Hüüs // ''Die Gemeinden und Gutsbezirke des Preussischen Staates und ihre Bevölkerung.'' Berlin 1873, Sied 134: https://books.google.de/books?id{{=}}qTZDAQAAMAAJ&pg{{=}}RA2-PA134
| 1885 / 473 /verwg.de/ http://www.verwaltungsgeschichte.de/harburg.html
| 1910-12-01 / 622 // http://www.gemeindeverzeichnis.de/gem1900/gem1900.htm?hannover/winsen.htm
| 1925 / 717 /verwg.de/
| 1933 / 983 /verwg.de/
| 1939 / 1064 /verwg.de/
}}

=== Religion ===

[[Bild:Friedenskirche Maschen.JPG|duum|Fredenskark in Maschen-Heid]]
Maschen is [[Evangeelsch-luthersche Kark|evangeelsch-luthersch]] präägt un billt mit de [[Fredenskark (Maschen)|Fredenskark]] en egen Kaspel. Maschen hett vörher to dat Kaspel von de [[Mauritius-Kark (Hittfeld)|Mauritius-Kark]] in Hittfeld höört. De Fredenskark is denn an’n 17. Oktober 1952 wieht worrn. In’n April 1953 is de Karkengemeen Maschen denn egenstännig worrn.<ref name="gs-kirche"/>

De Karkhoff in Maschen is 1931 anleggt worrn.<ref name="gs-kirche">http://www.gs-maschen.de/internet/page.php?naviID=564&site=493&brotID=564&typ=2</ref>

För de [[Kathoolsche Kark|Kathoolschen]] is de [[St.-Ansgar-Kark (Hittfeld)|St.-Ansgar-Kark]] in [[Hittfeld]] tostännig, de siet 2014 Deel von de Karkengemeen [[Goden-Hirt-Kark (Winsen)|Goden Hirt]] in [[Winsen (Luh)|Winsen]] is. Toeerst hett de Oort to de Karkengemeen [[St.-Petrus-Kark (Bookholt)|St. Petrus]] in [[Bookholt (Landkreis Horborg)|Bookholt]] tohöört. De St.-Ansgar-Kark is 1964 boot worrn un hett bet 1978 noch to de Parree Bookholt höört. To’n 1. April 1978 is [[St.-Altfrid-Kark (Mäkelfeld)|St. Altfrid]] in [[Mäkelfeld]] egenstännige Parree un Hittfeld Filialkark worrn.

=== Wapen ===

Dat [[Wapen (Heraldik)|Wapen]] von Maschen wiest baven op sülvern Grund dree gollen [[Ecker]]n un twee gröne [[Ekenbladd|Ekenbläder]]. Ünnen wiest dat op grönen Grund en sülvern Wellenlien.

Dat Gröön un de Wellenlien staht för de Masch un de [[Seev (Stroom)|Seev]].

== Kultur ==

In Maschen gifft dat en Denkmaal för de Fullenen ut de twee Weltkrieg’.

=== Verenen ===

Maschen hett en egene [[freewillige Füürwehr]], de an’n 17. Februar 1928 grünnt worrn is.<ref>http://www.feuerwehr-seevetal.de/internet/page.php?site=24&typ=2</ref> Dat is siet 1983 de [[Swoorpunktfüürwehr]] för de Gemeen Seevdaal. De [[Schüttenvereen]] Maschen mit egen [[Speelmannstog]] is 1922 grünnt worrn.<ref>http://schuetzenverein-maschen.de/joomla/index.php/2015-01-29-11-08-21/die-chronik</ref> Dat [[Schüttenfest]] warrt jümmer in’n Juli fiert. Dat gifft twee Sportvereens. Den [[VfL Maschen]], de 1911 grünnt worrn is, un den ESV Maschen von 1980. De VfL Maschen büddt Badminton, Ballsport, Basketball, Football, Kampfsport, Koronar, Swemmen, Danzen, Tennis, Dischtennis, Turnen un Volleyball an un de ESV Maschen Angeln, Tennis un Football.

== Weertschop un Infrastruktur ==

Dat Dörphuus Maschen in de Schoolstraat is en Filiaal von dat Raadhuus von de Gemeen Seevdaal in [[Hittfeld]].

De Oort hett Filialen von de [[Volksbank Lümborger Heid]] un de [[Spoorkass Horborg-Buxthu]].

=== Verkehr ===

[[Bild:MAS PIC0.jpg|duum|[[Rangeerbahnhoff Maschen]] 1977]]
Maschen liggt an en wichtigen Autobahn-Knüttpunkt, de dör [[Hoster Dreeeck]] ([[Bundsautobahn 1|A 1]] un [[Bundsautobahn 7|A&nbsp;7]]) un [[Maschener Krüüz]] ([[Bundsautobahn 1|A&nbsp;1]] un [[Bundsautobahn 39|A&nbsp;39]]) billt warrt. De A&nbsp;39 geiht in’n Süüdoosten na [[Winsen (Luh)|Winsen]] un [[Lümborg]]. De A&nbsp;1 löppt in’n Noordoosten dör [[Hamborg]] un na [[Lübeck]] un in’n Süüdwesten na [[Bremen]]. De A&nbsp;7 kummt von Noorden ut Hamborg un geiht in’n Süden na [[Hannover]]. De [[Opfohrt 2 (A 39)|Opfohrt 2 Maschen]] op de A&nbsp;39 liggt direkt twüschen Maschen-Dörp un Maschen-Heid.

In Maschen draapt sik de Kreisstraten [[Kreisstraat 86 (Landkreis Horborg)|K&nbsp;86]] (geiht in’n Oosten över Stell na Winsen), [[Kreisstraat 10 (Landkreis Horborg)|K&nbsp;10]] (geiht in’n Süden na Ramßel) un [[Kreisstraat 77 (Landkreis Horborg)|K&nbsp;77]] (geiht in’n Westen na Hittfeld an de [[Landsstraat 213 (Neddersassen)|Landsstraat 213]] ran). Von de K&nbsp;77 geiht ok noch de K&nbsp;79 af, de in’n Noordwesten na Fleest löppt. Lüttjere Straten gifft dat ans na Hössen un Glüsen un över Host na Ohlendörp, Helmstörp un Lindhost.

Maschen hett en Bahnhoff an de [[Bahnlien Hannover–Hamborg]], de en beten butendörps na Noordoosten to liggt. An disse Bahnlien liggt ok de [[Rangeerbahnhoff Maschen]], de 1977 anleggt worrn is. Dat is de gröttste Rangeerbahnhoff in Europa.

De Bahnhoff is 1905 kamen.<ref>http://www.winsener-anzeiger.info/chronik/portr%C3%A4t-elbe-heide-region/einheitsgemeinde-seevetal/</ref> De A&nbsp;1 is 1937 boot worrn un de A&nbsp;7 na Süden 1956. Dat Stück von de A&nbsp;7 na Noorden is 1975 tokamen un de [[Bundsautobahn 250|A&nbsp;250]] (wat later de A&nbsp;39 worrn is) in de Johren 1980.

=== Scholen ===

De Oort hett mit de [[Grundschool Maschen]] en egen [[Grundschool]].

=== Versorgung ===

In de Hoster Möhl is 1910 en lütt Elektrizitätswark inboot worrn, dat de Öörd Maschen un Host mit Stroom versorgt hett. Düt Elektrizitätswark is bi en Brand in de Möhl 1936 verbrennt.<ref>http://www.winsener-anzeiger.info/chronik/portr%C3%A4t-elbe-heide-region/einheitsgemeinde-seevetal/</ref>

== Lüüd ==

* De Poppenspeler [[Walter Büttner]] leevt in Maschen un hett dor sien Open-Air-Theater.
* De Schauspelerin [[Sophie Schütt]] stammt ut Maschen.
* De Countryband [[Truck Stop]] kummt ut Maschen un hett dor von 1977 bet 1995 in [[Joe Menke]] sien Toonstudio ehr Platten opnahmen. Dat Dörp kummt ok in dat Leed ''Der wilde, wilde Westen'' vör (''Der wilde, wilde Westen fängt gleich hinter Hamburg an, in einem Studio in Maschen…''). De Truck-Stop-Musiker [[Cisco Berndt|Günter „Cisco“ Berndt]] (1942–2014) hett bet to sien Dood in Maschen leevt un is dor ok begraven.
* [[Uschi Nerke]], bekannt ut’n [[Beat-Club]] von de Johren 1960 un 1970, leevt in Maschen.
* De NDW-Sängerin [[Frl. Menke|Franziska Menke]] (''Frl. Menke'') leevt in Maschen.
* De Speelbaas [[Nicolas Stemann]] is in Maschen opwussen.
* De fröhere Footballspeler [[Dirk Zander]] leevt in Maschen.
* [[Patrick Müller (Schauspeler)|Patrick Müller]] - Schauspeler bi de Sepenoper ''[[Unter uns]]'', kummt ut Maschen.
* De plattdüütsche Schriever [[Hans-Ludolf Flügge]] is 1907 in Maschen boren.

== Literatur ==

* Wilhelm Beneke: ''Zwischen Seeve und Hallonen: Ortsgeschichte von Maschen am Übergang von der Geest zur Marsch.'' 1998

== Footnoten ==

<references/>

== Weblenken ==

{{Commons}}

{{Navigatschoonsliest Öörd in de Gemeen Seevdaal}}

[[Kategorie:Oort]]
[[Kategorie:Landkreis Horborg]]