De Born vun Ludwig Erhard wiesen.

[[Datei:Bundesarchiv B 145 Bild-F004204-0003, Ludwig Erhard mit seinem Buch.jpg|mini|Ludwig Erhard 1957 mit sien Book ''[[Wohlstand für Alle (Book)|Wohlstand für Alle]]'']]
[[Datei:Ludwig Erhard signature.svg|rahmenlos|rechts]]
'''Ludwig Wilhelm Erhard''' (* [[4. Februar]] [[1897]] in [[Fürth]]; † [[5. Mai]] [[1977]] in [[Bonn]]) weer en [[CDU]]-[[Politiker]] un Wertschapswetenschapler. He weer van 1949 bit 1963 [[Bundsministerium för Weertschop un Technologie|Bundsminister för Weertschap]] un gull in disse Funktschoon as Vader van dat ''düütsch Wertschapswunner'' un van dat as [[Soziale Marktwirtschaft]] kennteekend Wertschapssystem van de Bundsrepubliek Düütschland. Buterdem weer he van 1957 bit 1963 Viezkanzler un van 1963 bit 1966 de tweet Bundskanzler (as Nahfolger van [[Konrad Adenauer]]) van de Bundsrepubliek Düütschland.  

== Leven un Berop bit 1945 ==
=== Jöögd, Utbillen un Militärdeenst ===
[[Datei:Bust of Ludwig Erhard.jpg|mini|Büste van Ludwig Erhard, upstellt in sien Gebortsstadt Fürth]]
Ludwig Erhard wurr an' 4. Februar 1897 as Söhn vun de Textilworenhändler Wilhelm Philipp Erhard, de ut dat Dörp Rannungen (Ünnerfranken) stammen de, un sien Fru Augusta (borene Hassold) in Fürth boren. Ludwig weer dat tweete van veer Kinner, de all evangeelsch döfft wurrn sünd, ofschons sien Vader kathoolsch weer. In dat Öller van twee Johr is he an spinaler [[Poliomyelitis|Kinnerlähmung]] krank wurrn; ut disse Tiet hett he en deformeerten Foot behollen.<ref name="Hentschel-Ludwig-Erhard">Hentschel: ''Ludwig Erhard'', S. 12.</ref> Erhard hett in Fürth de Volks- un Realschool besöcht; dornah fung he en Utbillen as [[Ünnerwasch|Wittworenhändler]] an. In dat Fröhjohr 2016 hett he de Utbillen as Eenzelhannelskoopmann afslooten.<ref name="Hentschel-Ludwig-Erhard" />

Dornah nehm Erhard as Suldat van de [[Bayerische Armee]] an'n [[Eerste Weltkrieg|Eersten Weltkrieg]] deel. He weer 1916/17 mit dat [[12. Königlich Bayerische Division|22. Feldartillerie-Regiment]] in [[Rumänien]] un 1918 an de [[Westfront (Eerste Weltkrieg)|Westfront]] insett, wo he Enn' September 1918 bi [[Ypern]] dör en Handgranate swoor besehrt wurrn is; söben Operatschonen weern nödig. Dat hett he körperlich, aber nich seelisch verwunnen. Lang Stahn achter de Ladentheke in dat Geschäft van sien Vader weer denn aber nich mehr mögelk, so dat Erhard in de Wetenschap wesselt is.<ref name="Hentschel-Ludwig-Erhard" />

1919 is he as [[Unteroffizier]] un [[Offizieranwärter|Offiziersaspirant]] ut de Armee utscheeden.

=== Wetenschaplich Loopbahn ===
[[Datei:Rittner ludwigerhard1974.jpg|mini|Ludwig Erhard, Porträt van [[Günter Rittner]], 1974, Kanzlergalerie Berlin]]
Van 1919 bit 1922 hett Erhard ahn Abitur an de dormals nee grünnd [[Hoochschool för Wertschaps- un Sozialwetenschapen Nürnbarg|Hannelshoochschool Nürnbarg]] studeert un kreeg dor den Afsluss as [[Diplom-Koopmann]]. Ansluutend hett he noch en Studium in [[Bedrievswertschapslehre]] un [[Soziologie]] an de [[Johann Wolfgang Goethe-Universität Frankfurt am Main|Universität Frankfort]] maakt un dor 1925 sien Doktertitel (Dr. rer.pol.) bi [[Franz Oppenheimer]] över „Wesen und Inhalt der Werteinheit“ kreegen. As sien akademischen Lehrer hett he besünners [[Wilhelm Rieger]] un Franz Oppenheimer schätzt, denen he sück in levenslang Dankborkeit verbunnen föhlen dee. 

De Promotschoon weer en kritische Reflexion to de Arbeitswerttheorie van den Doktervader, de Noot dorför weer „gut“. Eerst 1928 kunn Erhard beroplich weer Foot faaten, nahdem dat Geschäft van sien Vader de Inflatschonstiet nich överleeft harr. Erhard wurr Assistent bi dat Institut för Wertschapsbeobachtung van de düütsch Fardigware an de Hannelshoochschool Nürnbarg. Grünner van dat Institut weer dree Johr tovör de Natschonalökonom [[Wilhelm Vershofen]] ween, de de Natschonalversammlung anhörrt harr. Vörbild weer dat amerikaansch [[National Bureau of Economic Research]], aber to de sien düütsch Gegenstück hett sück bald dat Berliner Berliner Institut för Konjunkturforschung entwickelt. Dat geiht ünner annern up Erhard torüch, dat dat Nürnarger Institut sück in dat Dart Riek up de Marktforschung för Industriekunden verleggen dee.<ref>Hentschel: ''Ludwig Erhard'', S. 17–18.</ref>

Van 1928 bit 1942 weer Erhard as wetenschaplich Assistent, later as stellvertreedend Baas bi dat Institut tätig. Siet 1933 weer he Lehrbeupdragter an de Nürnbarger Hannelshoochschool. In’n  Oktober 1932 hett he fordert, de Verbruuksgöderproduktschoon to fördern un is, in’n Gegensatz to den dormals vörherrschen [[Protektschonismus]] för en Wettbewarfswertschap un free Marktpriesbillen intreeden. 

De Hannelshoochschool harr siet 1931 dat [[Habilitatschoon]]srecht, un Erhard hett sück an dat ambitschoneert Thema „Die Überwindung der Wirtschaftskrise durch wirtschaftspolitische Beeinflussung“ versöcht. Dat Manuskript is dör sien Nahlaat bewohrt bleeven. Biograf [[Volker Hentschel|Hentschel]], sülvst Wertschapshistoriker, meent, Erhard dörg nah den  Habilitatschonsversöök nich as wetenschaplich Natschonalökonom, wiel hüm de formale Strenge un de Fähigkeit fehlen dee, kloor un in sück sluutend Gedanken to faaten un ünner Henwies up de bruukt Borns argumentativ mitnanner to verbinnen. De Oorsaken van de dormalige Weltwertschapskrise harr Erhard logisch unslüssig düüt, de Lösung van de akuten Probleme weer verfehlt ween. So harr he fordert, de Staat sull in de Produktschoon ingriepen un de Wertschap beter lenken, wiel dat Eenzelinteressen nich tototruen weer. Erhard hett aber nich verklort, wu de Staat dat maken sull. „Das Ganze wäre bei straffer Gedankenführung in knapper Diktion auf fünf Seiten abzutun gewesen.“ Dat weer aber nich Erhard sien Saak ween, de 114 Sieden schrieven dee un dorbi sien Gedanken freen Loop geven harr.<ref>Hentschel: ''Ludwig Erhard'', S. 22.</ref>

[[Datei:Bundesarchiv B 145 Bild-F015447-0012, Bonn, Ludwig Erhard mit Ehefrau im Garten.jpg|mini|Ludwig Erhard mit sien Ehefru Luise]]
Later hett Erhard seggt, dat de [[Natschonalsozialismus|Natschonalsozialisten]] hümm an de Habilitatschoon hinnert harrn. De aber harrn, so Hentschel, kien inhaltlich Problem sehn, sülvst denn nich, wenn Erhard dat Manuskript ahn Apparat vörleggt harr. In de Zeitung van dat Institut hett sück Erhard bispeelswies positiv över de natschonalsozialistische [[Dwangskartell]]eeren ütert, denn dat würr Schäden van den „artfremden Preiskampfes“ vörbuugen.<ref>Hentschel: ''Ludwig Erhard'', S. 24.</ref>

1935 hett Erhard as wetenschaplich Assistent van [[Wilhelm Vershofen]] dat eerste [[Marketing]]-Seminar van Düütschland organiseert, dormals as „[[Afsatzwertschap]]lich Kurs“ betekent, an dat Institut för Wertschapsbeobachtung (IfW) van de Nürnbarger Hannelshoochschool, wout later de Nürnbarger Akademie för Afsatzwertschap (NAA) un de [[GfK (Unternehmen)|GfK e. V]] entstaahn sünd. Buterdem weer he as wertschapspolitischer Berader to de Integratschoon van de annekteerten Rebeeden [[Öösterriek]], [[Polen]] un [[Lothringen]] tätig. Van 1942 bit 1945 hett he dat van hüm grünnd ''Institut für Industrieforschung'' leit, dat van de [[Reichsgruppe Industrie]] betallt wurr. Af Enn‘ 1942 hett Erhard sück hier mit de ökonomische Nahkriegsplanung befaat. 1944 hett he in’n Updrag van de Rieksgrupp för dat Institut sien Denkschrift ''Kriegsfinanzierung und Schuldenkonsolidierung'' verfaat, in dat he Överlegungen to den Neeupbau van de Wertschap nah den Krieg anstellen un ünner annern en Währungssnitt vörslahn dee. De Endfaaten van de Denkschrift hett he an SS-Gruppenführer [[Otto Ohlendorf]] övergeeven, de sück tostimmend ütert hett. En Exemplar sall in de Hann‘ van [[Carl Friedrich Goerdeler]] kommen ween.<ref>Michael Brackmann: ''Erhards doppelter Coup.'' General-Anzeiger Bonn, S. 10 f, 18. Juni 2018.</ref><ref>[[Ralf Ptak]]: ''Vom Ordoliberalismus zur Sozialen Marktwirtschaft.'' VS-Verlag 2003, ISBN 3-8100-4111-4, S. 145–149.</ref>

=== Privatleven ===
Ludwig Erhard weer siet Dezember 1923 mit de Volkswirtin [[Luise Erhard|Luise Schuster]] (1893–1975), borene Lotter, ut [[Langenzenn]] verheiraadt. Ut hör Ehe gung de Dochter Tochter Elisabeth hervör. Familie Erhard leev van 1953 bit to sien Tod in [[Gmund an‘n Tegernsee]] (Bayern).<ref>[https://www.merkur.de/lokales/region-tegernsee/gmund-ort65533/interview-ludwig-erhards-hausdame-ueber-sein-leben-in-gmund-8237448.html ''Interview: Ludwig Erhards Hausdame über sein Leben in Gmund.''] Merkur.de, 2. Mai 2017.</ref> Dat [[Zigarr]]enrooken weer af 1930 dat Markenteeken van Erhard. Luut Utseggen ut sien Umfeld hett he in eenig Phasen van sien politisch Arbeit jeden Dag etwa 15 bit 20 Zigarren rookt.

== Politische Tätigkeit af 1945 ==
=== Eerste wertschapspolitische Ämter (1945–1948) ===
De parteilose Wertschapsfackmann keem nah den Krieg flink in hooch politische Ämter. Ludwig Erhard weer eenige Maand lang Wertschapsreferent in sien Heimatstadt Fürth, bevör he in’n Oktober 1945 van de amerikaansch Militärregeeren in de van [[Ministerpräsident]] [[Wilhelm Hoegner]] (SPD) führt Bayerische Staatsregeeren to’n Staatsminister för Hannel un Gewarf beropen wurr. Nah de Wahlen in’n Dezember 1946 muss he dit Amt daalleggen. 
1947 hett he de Expertenkommission ''Sonderstelle Geld und Kredit'' bi de Verwaltung van de  Finanzen van de britisch-amerikaansch [[Bizoon]] leit un weer in disse Funktschoon mit de  Vörbereitung van de Währungsreform 1948 betroot. 1947 wurr he [[Honorarperfesser]] an de [[Ludwig-Maximilians-Universität München]]. 1950 folg he tosätzlich en Roop an de [[Rheinische Friedrich-Wilhelms-Universität Bonn]].

An‘n 2. März 1948 wurr Erhard up Vörslag van de [[FDP]] to’n Direkter van de ''Verwaltung für Wirtschaft'' van dat Vereenigte Wertschapsrebeet wählt un weer dormit för de Wertschapspolitik in de westlich Besattenszonen verantwortlich. De nah un nah Upheven van de Priesbinnen dör Erhard hett sien Mitarbeiter Leonhard Miksch ut dat Freiburger Umfeld van [[Walter Eucken]] entwickelts.<ref>Hans Tietmeyer: [http://www.walter-eucken-institut.de/fileadmin/bilder/Publikationen/Diskussionspapiere/10_4bw.pdf] Soziale Marktwirtschaft in Deutschland – Entwicklungen und Erfahrungen – ; Freiburger Diskussionspapiere zur Ordnungsökonomik 10/4. [[Walter Eucken Institut]] / Institut für Allgemeine Wirtschaftsforschung, Abteilung für Wirtschaftspolitik der [[Albert-Ludwigs-Universität Freiburg|Albert-Ludwigs Universität Freiburg i. Br.]] van’n 13. September 2010, afropen an’n 1. Dezember 2016; [https://web.archive.org/web/20120309200512/http://www.walter-eucken-institut.de/fileadmin/bilder/Publikationen/Diskussionspapiere/10_4bw.pdf] Datum 9. März 2012, pdf; 322 kB</ref> Erhard wurr eerst fief Daag vör den plaanten Termin van de West-Allieerten över den Tietpunkt van de bevörstahn Währungsreform an‘n 20. Juni 1948 informeert. Een Dag vör de Reform leet he över Rundfunk verkünnen, Dwangsbewertschapen un Priesbinnen weern för en eersten Beriek van industrieller Fardigprodukte uphaben. De Entscheeden van Erhard, de denn mit dat „Leitsätzegesetz“ van’n 21. Juni 1948 bestätigt wurr, gellt völ Lüüd as en fröh Bidrag to dat latere „Wertschapswunner“. Doch geev dat ähnlich rasanten Aufschwung ok in anner Industrielänner ahn Währungsreform un mit düersam Wertschapslenken.

Erhard sien Wertschapspolitik weer tonächst düchtig umstreeden un ok nich direkt spoodriek, wiel de Levenshollenskösten in de eerst veer Maand nah de Priesfreegaav um 14 Perzent anstiegen deen.<ref>Völker Hentschel: ''Ludwig Erhard. Ein Politikerleben.'' Ullstein, Berlin 1998, S. 87.</ref> An‘n 12. November 1948 hemm de Gewerkschapen en Generalstreik utroopen. Ok in de  Printmedien kreeg Erhard düchtig Wind van vörn. So hett [[Marion Gräfin Dönhoff]] in‘n Sömmer 1948 in de [[Die Zeit|ZEIT]] kommenteert: „Wenn Deutschland nicht schon eh ruiniert wäre, dieser Mann mit seinem vollkommen absurden Plan, alle Bewirtschaftungen in Deutschland aufzuheben, würde das ganz gewiss fertigbringen. Gott schütze uns davor, dass der einmal Wirtschaftsminister wird. Das wäre nach Hitler und der Zerstückelung Deutschlands die dritte Katastrophe.“<ref name="Koerfer">[[Daniel Koerfer]]: ''Wie die SPD Ludwig Erhard ärgerte: Vor genau siebzig Jahren begann die politische Karriere des Manns, dem Deutschland seine liberale Wirtschaftsverfassung verdankt.'' In: [[Frankfurter Allgemeine Zeitung]], 20. November 2015, S. 16.</ref>
Eerst dat insetten Wertschapswassdom to Anfang van de 1950er Johren schien sien Kurs to bestätigen.

As Direkter van de Verwaltung för Wertschap hett Erhard 1949 versöcht, dör Interventschoon bi den US-Militärbehörden de Rückgaav van de Porzellanfirma [[Rosenthal (Ünnernehmen)|Rosenthal Porzellan AG]], de van de Nazis „[[Ariseeren|ariseert]]“ wurrn weer, an de Familie van den Ünnernehmensgrünner [[Philipp Rosenthal]] to verhinnern.<ref name="Lillteicher">[[Jürgen Lillteicher]]: ''Die Rückerstattung jüdischen Eigentums in Westdeutschland nach dem Zweiten Weltkrieg. Eine Studie über Verfolgungserfahrung, Rechtsstaatlichkeit und Vergangenheitspolitik 1945–1971.'' Dissertatschoon Universität Freiburg 2002, S. 114 ff.; [http://www.freidok.uni-freiburg.de/volltexte/2183/pdf/Dis_Lillteicher_Rueckerstattung.pdf Text online] (PDF; 3,3&nbsp;MB)</ref> Erhard harr en Beraderverdrag mit de Rosenthal AG un kreeg jedes Johr 12.000 DM.<ref name="Lillteicher"/><ref>[[Constantin Goschler]], [[Jürgen Lillteicher]] (Hrsg.) (2002): ''„Arisierung“ und Restitution. Die Rückerstattung jüdischen Eigentums in Deutschland und Österreich nach 1945 und 1989.'' S. 141–142.</ref> De US-Geheimdeenst hett hüm af dissen Tietpunkt as bestechlich instuuft.<ref>[http://programm.ard.de/TV/daserste/2013/07/15/unser-wirtschaftswunder---die-wahre-geschichte/eid_2810610240061314?list=main#mehr Geschichte im Ersten: ''Unser Wirtschaftswunder. Die wahre Geschichte.''] Dokumentarfilm van Christoph Weber, utstrahlt in de [[ARD]] an‘n 15. Juli 2013.</ref> De [[Ludwig-Erhard-Stiftung]] hollt disse Dorstellen för twiefelhaft.<ref>[http://www.ludwig-erhard.de/erhard-aktuell/kommentar/die-wahre-geschichte-des-wirtschaftswunders/] Die wahre Geschichte des Wirtschaftswunders? ; Ludwig Erhard Stiftung bam’n 24. April 2015, afropen an’n 26. August 2016</ref>

=== Afordneter ===
Van 1949 bit to sien Dood 1977 weer Erhard Liddmaat van den Düütschen Bundsdag. Van 1949 bit 1969 truck he as direkt wählt Afordneter van den Wahlkreis Ulm in den Bundsdag in, 1972 un 1976 över de CDU-Landeslist [[Baden-Württemberg]]. Sowohl 1972 as ok 1976 weer he as Öllerspräsident för de Eröffnung van den Düütschen Bundsdag tostännig. 

=== Wertschapsminister ===
[[Datei:Bundesarchiv B 145 Bild-F015320-0001, Ludwig Erhard.jpg|mini|250px|As Wertschapsminister, 25. April 1963]]
[[Datei:Richtlinienkompetenz Adenauer.jpg|mini|250px|Konrad Adenauer wiest mit dat Schrieven tegenöver Ludwig Erhard an, dat he in de anstahn Rentenformgesettgeeven van sien [[Richtlinienkompetenz]] Gebruuk maakt.]]
Nah de [[Bundsdagswahl 1949]] wurr Erhard an‘n 20. September 1949 as Bundsminister för Wertschap in de van Bundskanzler [[Konrad Adenauer|Adenauer]] führt Bundsregeeren beropen.

Ludwig Erhard gellt as Vertreder van den [[Ordoliberalismus]], de in’n Wesentlichen van [[Walter Eucken]] in de sien Wark ''Grundlagen der Nationalökonomie'' ut dat Johr 1939 präägt wurr. In’n  Ordoliberalismus kummt den Staat de Upgaav to, en Ordnungsrahmen för den free Wettbewarf to schaffen, in de de Freeheit van all [[Wertschapseenheit|Wertschapssubjekte]] (ok vörnanner) schuult wurrd. Ut disse School harrn besünners [[Wilhelm Röpke (Wertschapswetenschapler)|Wilhelm Röpke]] un [[Leonhard Miksch]] unmittelbaren Infloot up de Wertschapspolitik in dat eerste Johrteihnt in van de Bundsrepubliek.

As tweet wertschapspolitisch Konzept harr de van [[Alfred Müller-Armack]] entworfene [[Soziale Marktwertschap]] grundsätzlichen Infloot up de Politik van de jung Bundsregeeren.

Erhard weer en van de beleevtesten Politiker van de 1950er Johren. He gull för völ as de Schöpfer van dat „düütsch Wertschapswunner“, de sien Markenteeken de immer Zigarren rooken Wertschapsminister wurr. De groot Wahlsiege van de CDU bi de Bundsdagswahlen van 1953 un 1957 weern to’n grooten Deel de spoodriek Strategie to verdanken, den (tatsächlich internatschonalen) Wertschapsupswung mit dat Unionsleitbild van de Soziale Marktwertschap in dat Börgerbewusstween to verknütten. Ludwig Erhard truck twee Johrteihnten later in’n Rückblick dat Resümee: „In jenem ersten Wahlkampf waren Soziale Marktwirtschaft und CDU zu einer Identität geworden.“<ref>Markus Lingen: [http://www.kas.de/wf/de/71.7211 ''Geschichte der CDU: Die Düsseldorfer Leitsätze''], [[Konrad-Adenauer-Stiftung]].</ref> In sien populär Book ''[[Wohlstand für Alle (Book)|Wohlstand für Alle]]'' (1957) legg he sien Vörstellungen allgemeenverständlich dar. Ahn Afwieken is Erhard för de Liberaliseeren van den Butenhannel intreeden, wat hüm ok in de eegen Riegen den Roop van en Dogmatiker inbroch.

As övertüücht Verfechter van de Marktwertschap hett Erhard hart Utnannersetten mit den  Sozialpolitiker Adenauer utdragen, de de Tipp 1957 in‘n Striet um de van Adenauer mit sien [[Richtlinienkompetenz]] as Kanzler dörsett Rentenreform hör Hööchtpunkt harr. Dat sietdem bestahn [[Umlaagverfahren]] (so nömmt Generatschonenverdrag) hett Erhard as nich tolunftfähig aflehnt. Adenauer hett sück aber mit den bekannten Utspröök „Kinder kriegen die Leute sowieso“ över disse Bedenken weggsett. Sowohl Kanzler Adenauer as ok en wichtig Afdeelensbaas (Alfred  Müller-Armack) hemm also för en aktivere Sozialpolitik as de ordoliberale Erhard arbeit.

Van Anfang van sien Tätigkeit as Minister an seech sück Erhard hart Kritik van Sieden van den Kanzler utsett. Adenauer hett hüm faken vörsmeeten, dat Erhard faken nich anwesend weer, unbedacht Reden hollen un sien Ministerium nich utreckend kontrolleeren dee. Sien Anhänger wurrn scherzhaft „[[Marine-Brigade Ehrhardt|Brigade Erhard]]“ nömmt&nbsp;– nah en Marineeenheit ut den [[Kapp-Putsch]] van 1920.

Nah de [[Bundsdagswahl 1957]] hett Adenauer Ludwig Erhard to’n Viezkanzler nömmt. Um Erhard as Minister loos to wurrn hett Adenauer an’n 24. Februar 1959 de Kandidatur van Erhard för dat Amt van den Bundspräsidenten vörslahn, wat aber van Erhard an‘n 3. März endgültig aflehnt wurr. Nah de [[Bundsdagswahl 1961]] wurr Erhard weer Viezkanzler un Wertschapsminister. As he 1962 wiels de [[Spiegel-Affäär]] Kanzler wurrn kunn, weer he aber to afwachtend, wat bi sien Anhängern nich goot ankeem.

=== Bundskanzler ===
[[Datei:Bundesarchiv B 145 Bild-F022484-0016, Landtagswahlkampfreise Bundeskanzler Erhard.jpg|mini|Ludwig Erhard 1966 mit Zigarr]]
[[Datei:Bundesarchiv B 145 Bild-F020548-0018, Bonn, Bundeskanzler Erhard mit Charles de Gaulle.jpg|mini|[[Charles de Gaulle]] un Ludwig Erhard (1965)]]
[[Datei:Bundesarchiv B 145 Bild-P111323, USA-Besuch Ludwig Erhard, Lyndon B. Johnson.jpg|mini|[[Lyndon Baines Johnson]] un Ludwig Erhard (Dezember 1963)]]

Nahdem Adenauer vergevens versöcht harr, Erhard as sien Nahfolger to verhinnern, wurr he een Dag nah den Rückträe van Adenauer an’n 16. Oktober 1963 to’n Bundskanzler wählt.<ref>[https://www.bundesarchiv.de/cocoon/barch/0000/k/k1963k/para1_4.html Bundesarchiv: Tiettafel 1963]</ref> As Adenauer ok hemm ok völ annern glöövt, dat Erhard as Kanzler nich geeignet weer. In de neere historsch Forschung wurrd inbesünnere dorup henwiest, dat  Adenauer sien Wertschapsminister minschlich aflehnen dee:
'''Zitat:''' ''Adenauers Abneigung gegen Erhard war abgrundtief und absolut. Der betagte Kanzler war sich nicht zu schade, Erhard öffentlich oder hinter dessen Rücken in Parteikreisen anzugreifen. […] Er hasste Erhards lange Monologe zu Wirtschaftsthemen. Er mochte Erhards lässige Kleidung nicht und missbilligte den Zigarrenrauch, mit dem sich Erhard gern einnebelte, ebenso wie die Zigarrenasche, die sich auf seinem Revers ansammelte. Erhards Alkoholkonsum betrachtete er als moralischen Affront. Und schließlich war ihm Erhards Hang zum Selbstmitleid unerträglich''.<ref>Alfred C. Mierzejewski: ''Ludwig Erhard. Der Wegbereiter der Sozialen Marktwirtschaft. Biografie.'' Pantheon Verlag, München 2006 ISBN 978-3-570-55007-6, S. 268f.</ref>

So wurr he mehrheitlich as en Aart Tüschenlösung ansehn mit e Hööftupgaav, en Wahlsieg bi de [[Bundsdagswahl 1965|Bundsdagswahl an‘n 19. September 1965]] to halen. Erhard hett woll den bit dorhen tweetgröttsten Wahlsieg in de Historie van de Union schafft, aber all bi de Regeerensbillen kunn he sien Ansichten in de CDU/CSU nich mehr dörsetten.

De Regeerenstiet van Erhard gellt as glücklos. Ut de Riegen van de CDU hett man hüm ünner annern vörsmeeten, dat he för dat Afköhlen van de düütsch-franzöösch Betrecken verantwortlich weer. Neben Butenminister [[Gerhard Schröder (CDU)|Gerhard Schröder]] tell he to de [[Atlantiker]]n, de den Betrecken to de USA tegenöver de to Frankriek den Vörtoog geeven deen. In de folgend Maanden gung dat mit sien Autorität immer mehr bargdaal. Dat van hüm upstellt Leitbild van en „formierten Gesellschaft“ funn meest kien Tostimmen. Um sück to behaupten un sien Konkurrenten [[Rainer Barzel]] to bremsen, leet sück Erhard sück an’n 23. März 1966 as Nahfolger van Adenauer ok to’n Vörsitter van de CDU wählen.

Sien Ansehn as Wertschapspolitiker wurr erschüttert, as 1966 US-Präsident [[Lyndon Baines Johnson]] hooch tosätzliche Betallen van 1,35 Milliarden US$ (etwa 5,4 Milliarden DM)<ref>[http://www.foia.cia.gov/sites/default/files/document_conversions/89801/DOC_0000954494.pdf] Prospects for change in West German foreign policy van’n 6. September 1966, afropen an’n 1. Dezember 2016; [[Central Intelligence Agency]], pdf; 481 kB</ref> för Besattenkösten un den [[Vietnamkrieg]] infordern dee. 

1966 wiesen sück wertschapliche Schwierigkeiten un drastisch stiegend Arbeitslosentallen. Nah de Rezession, de unmittelbar up de Währungsreform van 1948 folgt weer, weer dit de tweete. Deren Beteeknung as „gewollte Rezession“ dör den dormaligen Bundswertschapsminister [[Kurt Schmücker]],<ref>Gisela Stelly: [https://www.zeit.de/1969/37/ein-bisschen-konsum-kein-bisschen-besitz/komplettansicht ''Ein bißchen Konsum, kein bißchen Besitz.''] In: ''Die Zeit'', 12. September 1969.</ref> Erhard sien Nahfolger in dit Amt, entwickel sück in de Folge to en Kampbegreep, de gegen de Union bruukt wurr.<ref>[https://www.zeit.de/1971/41/zeitspiegel/komplettansicht ''Zeitspiegel.''] In: ''Die Zeit'', 8. Oktober 1971.</ref> Wiels den Wahlkampf to de [[Landdagswahl in Noordrhien-Westfalen 1966]], dat sück midden in de Köhlenkrise befunn, weern Erhard sien apenliche Upträen in dat Ruhrrebeet deelwies van nicht weehnt, stark Protest begleit, up de he wenig souverän ingahn dee.<ref>[https://www.zeit.de/1966/29/ludwig-erhards-schlappe-an-der-ruhr ''Ludwig Erhards Schlappe an der Ruhr.''] In: ''Die Zeit'' 29/1966, 15.Juli 1966.</ref><ref>[http://www.ruhrzechenaus.de/gelsenkirchen/ge-graf-bismarck.html ''Zeche Graf Bismarck in Gelsenkirchen-Erle.'']</ref> De CDU hett woll groot Verluste harrt, kunn sück aber tosommen mit de FDP mit knappste Mehrheit an de Macht hollen.

Nahdem de Minister van de FDP wegen en Finanzkrise un en andocht Höhgersetten van de Stüern ut dat Bundskabinett torüchtreeden weern, hett Erhard an‘n 27. Oktober 1966 en Minnerheitsregeeren ut CDU un CSU billd.<ref>[https://www.bundesarchiv.de/cocoon/barch/0000/k/k1966k/para1_4.html Bundesarchiv: Tiettafel 1966]</ref> De CDU/CSU-Bundsdagsfraktschoon hett aber [[Kurt Georg Kiesinger]] to’n  Kanzlerkandidaten wählt, de en [[Groot Koalitschoon]] mit de SPD tostannen brocht hett. Erhard is sluutend an’n 1. Dezember 1966 torüchtreeden. In’n Mai 1967 hett he ok den CDU-Vörsitt daalleggt.

Sien politisch Scheitern as Kanzler wurr nich toletzt dorup torüchführt, dat hüm as „Dwarsinstieger“ in de Politik Dörsettenskrft fehlen dee un sien kollegialer Stil as Führensswaakheit utleggt wurr. Dorto keem sien in’n Vergliek to de twee Johrteihnten öllere Adenauer all temelk anslahn Gesundheit. Da ungoot Geföhl mit sien Amtsführung wurrd in en Reportage ut sien eerst Amtsjohr in dat Nahrichtenmagazin ''[[Der Spiegel]]'' utdrückt:
'''Zitat:''' ''Der Bundeskanzler gehört zu jenen nur scheinbar dickhäutigen und dickfelligen [[Konstitutionstyp#Kretschmers Konstitutionstypen|Pykniker]]-Typen, die Anerkennung brauchen […] Schon die kühle Brise, die Erhard ab und zu ins Gesicht bläst, seit er die Kommandobrücke im Palais Schaumburg betreten hat, reicht aus, um sein seelisches Gleichgewicht zu stören.''<ref>[http://www.spiegel.de/spiegel/print/d-46174530.html ''Der Hauch des Eises ist gewichen.''] In: ''Der Spiegel'' 18/1964</ref> Ok de Berader van Erhard, [[Johannes Gross]], hett up de sien Schüchternheit un Zögerlichkeit in’n lütten Kreis henwiest, se stunn in’n Kontrast to de apenlich to Schau stellt Optimismus in sien mitrieten Reeden.<ref>[https://www.youtube.com/watch?v=RMeKVVIXiVY ''Ludwig Erhard – Der Optimist.''] Feernseh-Dokumentatschoon</ref>

Ludwig Erhard leet 1964 in den Park van dat [[Palais Schaumburg]] den [[Kanzlerbungalow]] as Deenstwahnen van den Bundskanzler bauen. 

== Parteiliddmaatschapp ==
[[Datei:Ludwig Erhard1.jpg|mini|Bundsparteidag 1971]]

Ofschons he as Wertschapsminister utsluutend CDU-führt Kabinetten anhörrn dee un siet 1949 blots för de CDU as Bundsdagsafordneter wählt wurr, is de Fraag van de formale Parteiliddmaatschap van Erhard nich afsluutend klärt. Van 1966 bit 1967 weer he Bundsvörsitter, af 1967 [[Ehrenvörsitter]] van de CDU.

In 2002 keem de ''Welt'' to dat Rechercheergevnis, dat sück de Fraag van en Parteiliddmaatscgapp för Erhard tatsächlich eerst bi sien Wahl to’n CDU-Vörsitter stellt harr, wiel dit Amt blots van en Parteiliddmaat utöövt wurrn kann. Erhard weer dorum 1966 de CDU bitreeden, sien Biträe weer in de Böker van de CDU aber dree Johren torüchdateert un somit formell up 1963 fastleggt wurrn.  Faktisch weer Erhard dormit aber bi sien Amtsanträe as Bundskanzler 1963 parteilos ween.<ref name="zeit-erhard">Gerhard Haase: [http://www.welt.de/print-welt/article387546/Ludwig-Erhard-wurde-offenbar-als-Parteiloser-Bundeskanzler.html] Ludwig Erhard wurde offenbar als Parteiloser Bundeskanzler, Welt Online van’n 4. Mai 2002, afropen an’n 9. Oktober 2013 [https://web.archive.org/web/20131030034825/http://www.welt.de/print-welt/article387546/Ludwig-Erhard-wurde-offenbar-als-Parteiloser-Bundeskanzler.html] Archivedatum 30. Oktober 2013</ref>

2007 hemm verscheeden Presseorgane un Nahrichtenagenturen weer sien Parteitogehörigkeit to’n Thema maakt, un insbesünnere dat Erhard nie nich Parteiliddmaat van de CDU ween weer. Woll weer bi den CDU-Kreisverband Ulm en Liddmaatskoort nahwiesbor; entscheedend för de Parteiztogehörigkeit weer aber de Biträeverkloren, de aber offensichtlich nich vorliggen dee. Erhard sall ok nie Liddmaatsbidrääg betallt hemm.<ref name="stern-erhard">Hans Ulrich Jörges, Walter Wüllenweber: [http://www.stern.de/politik/deutschland/cdu-altkanzler-ludwig-erhard-war-nie-cdu-mitglied-587764.html] CDU-Altkanzler: Ludwig Erhard war nie CDU-Mitglied; Stern van’n 25. April 2007, afropen an’n 7. Oktober 2007; Archiv van’n 26. Oktober 2013 [https://web.archive.org/web/20131026225840/http://www.stern.de/politik/deutschland/cdu-altkanzler-ludwig-erhard-war-nie-cdu-mitglied-587764.html]</ref>

An’n 13. Februar 1966 hett [[Konrad Adenauer]] luut Daagbook van sien Söhn Paul Adenauer in’n Familienkreis bericht, dat [[Fritz Burgbacher]] hüm vertellt harr, wu stur dat ween weer, Erhard vör atwa een bit twee Johren as Liddmaat van de CDU in en lütt Oort dicht bi Heidelbarg ünnertobringen, wat hüm en gooden Stang Geld köst harr.<ref>''Konrad Adenauer – der Vater, die Macht und das Erbe. Das Tagebuch des Monsignore Paul Adenauer 1961–1966'', herutgeeven un bearbeit van Hanns Jürgen Küsters. Ferdinand Schöningh, Patterbuorn 2017, S. 450 f.</ref> In dat Archiv van de  Ludwig-Erhard-Stiftung gifft dat en Anfraag van’n 14. Februar 1966 van Adenauer an Erhard in Betoog up de Parteiliddmaatschap.<ref>[http://www.ludwig-erhard.de/stichworte/ludwig-erhard-und-die-cdu/ ''Ludwig Erhard und die CDU''] Ludwig Erhard Stiftung, 27. Juli 2016.</ref>

In en Interview mit den Journalist [[Günter Gaus]] 1963 wurr Erhard to sien Parteiinträe 1949 fraagt un worum he sück för de CDU entscheeden harr. He hett sück dorto persönlich ütert: 
'''Zitat:'''
'''Gaus''': ‚Sie haben sich erst Mitte 1949 vor der Wahl zum ersten Bundestag zur CDU bekannt. Das war Ihr erster Parteieintritt überhaupt. Warum haben Sie sich für die CDU entschieden?‘<br />
'''Erhard''': ‚Weil es galt, eine liberale, freiheitliche Politik, wie sie mir vorschwebte, in der Praxis zu verwirklichen. Dazu gehörte nicht, dass ich noch einmal eine liberale Partei stärke, sondern es gehörte dazu, dass ich die große Volkspartei, die CDU, für mich, für meinen Gedanken gewinne und dann auch darauf festlege.‘| Quelle = ''Zur Person'' vom 10. April 1963| ref =<ref>[https://www.rbb-online.de/zurperson/interview_archiv/ludwig_erhard.html ''Zur Person: Günter Gaus im Gespräch''.] rbb-online, abgerufen am 19. April 2017.</ref>

== Laat Johren ==
[[Datei:Grave of Ludwig Erhard.jpg|mini|Ludwig Erhard sien Graffstäe in [[Gmund an‘n Tegernsee]]]]
[[Datei:Ludwig Erhard Büste Gmund.JPG|mini|Aluminiumbronze up Bildnisträger in Edelstahl (2003) van [[Otto Wesendonck (Bildhauer)|Otto Wesendonck]], Gesamthööcht 3&nbsp;m, Gmund an‘n Tegernsee]]
[[Datei:DPAG-1997-LudwigErhard.jpg|mini|Breefmark van 1997 to sien 100. Gebortsdag]]

Erhard bleev nah sien Tiet as Bundskanzler noch 11 Johr Bundsdagsafordneter. eit als Bundeskanzler noch elf Jahre Bundestagsabgeordneter. 1967 hett he de [[Ludwig-Erhard-Stiftung]] grünnd, de sien wertschapswetenschaplichen un Wertschapsordnungs-Vörstellungen wetenschaplich un publizistisch wieder pleegen sall. Buterdem weer he eerst Vörsitter van dat Kuratorium van de [[Hermann Kunst-Stiftung zur Förderung der neutestamentlichen Textforschung]] (1964–1977), dat de Arbeit van dat [[Institut für Neutestamentliche Textforschung]] in Mönster fördert.

Rückblickend hett he sück kört vör sien Dood to sien wertschapspolitisch Schaffen, insbesünnere to dat Ünnerbinnen van dat Upblasen van den apenlichen Sektor un de düchtig anwassen Staatsverschuldung ütert: „Ich habe als Bundesminister 80 Prozent meiner Kraft dazu verwenden müssen, gegen ökonomischen Unfug anzukämpfen, leider nicht durchweg mit Erfolg.“<ref name="Koerfer" />

Erhard weer Liddmaat van de evangeelsch Kark. He is an’n 5. Mai 1977 an Hartverseggen in Bonn storven. An’n 11. Mai 1977 funn to’n Anlaat van sien Dood en [[Staatsakt (Veranstaltung)|Staatsakt]] in den Plenarsaal van den Düütschen Bundsdag statt. He wurr up de Bargkarkhoff in [[Gmund an‘n Tegernsee]] bisett. Dor erinnert in de Oortsmidden en Büste van den Bildhauer Otto Wesendonck an den berühmten Börger.

== Utteknungen ==
* 1953: Bundsverdeenstkrüüz (Grootkrüüz van den Verdeenstorden van de Bundsrepubliek Düütschland)
* 1955: Grootkrüüz van den Verdeenstorden van de italieensch Repbliek
* 1959: Bayerischer Verdeenstorden
* 1960: Grootkrüüz van den [[Orden El Sol del Perú]] (Peruaansch Sünnenorden)
* 1961: Grootkrüüz van den [[Orden des heiligen Jakob vom Schwert]]
* 1961: Grootkrüüz van den [[Orden de Isabel la Católica]]
* 1967: [[Alexander-Rüstow-Plakett]]
* 1977: Ehrenbörger van de Stadt Ulm 

== Erinnerungskultur ==
De [[Ludwig-Erhard-Pries (ILEP)|Ludwig-Erhard-Pries]] wurrd jedes Johr footend up dat [[EFQM-Modell]] an Ünnernehmen verleeht, de besünnere Leistungen in dat [[Qualitätsmanagement]] erkennen laaten.

Mit den [[Fürther Ludwig-Erhard-Preis]] tekent de Ludwig-Erhard-Initiativkreis Fürth wertschapswetenschapliche Dissertatschonen ut, „in denen verstärkt die Faktoren Innovation, Praxisnähe, Realisierbarkeit, wirtschaftlicher Nutzen und die Auswirkungen auf die Menschen in unserer Gesellschaft berücksichtigt sind“.<ref>[http://ludwig-erhard-initiative.de/index.php?option=com_content&view=category&layout=blog&id=43&Itemid=78 Der Fürther Ludwig-Erhard-Preis] afropen up ludwig-erhard-initiative.de an’n  6. Juni 2014</ref>

De Ludwig-Erhard-Stiftung verleeht de Ludwig-Erhard-Medaille für Verdienste um die Soziale Marktwirtschaft un den Ludwig-Erhard-Preis för Wertschapspublizistik.

An dat Gebortshuus van Erhard in Fürth wurr dat [[Ludwig-Erhard-Zentrum]] inricht.

To’n Anlaat van sien 110. Gebortsdag 2007 wurr en van den Akener Bildhauer [[Wolf Ritz]] anfertigt Büste in den Ingangsberiek van dat Bundswertschapsministerium in Berlin aufgestellt und eingeweiht.<ref>[http://www.ludwig-erhard-stiftung.de/pdf/orientierungen/orientierungen111.pdf] wayback=20120304005609; Einweihung Ludwig-Erhard-Büste, S. 82</ref>

Een van de eersten 2018 un 2019 utleefert ICE-4-Iesenbahnen drocht de Naam ''Ludwig Erhard'' erhalten.<ref>[http://www.spiegel.de/reise/aktuell/bahn-tauft-neue-zuege-ein-ice4-namens-einstein-a-1175055.html ''Bahn tauft neue Züge: Ein ICE4 namens Einstein''] Spiegel Online, 27. Oktober 2017.</ref>
In völ düütsch Städer sünd apenliche Straaten, Plätze usw. nah Ludwig Erhard nömmt wurrn.<ref>[https://www.strassen-in-deutschland.de/ludwig-erhard-strasse-in-deutschland-4363885.html „Ludwig-Erhard-Straßen“ in Deutschland]</ref>

== Warken ==
* ''Wesen und Inhalt der Werteinheit.'' Dissertatschon. 1925.
* ''Kriegsfinanzierung und Schuldenkonsolidierung.'' Denkschrift. 1944. Propyläen, 1977, ISBN 3-550-07356-9.
* ''Deutschlands Rückkehr zum Weltmarkt.'' 1953.
* ''[[Wohlstand für Alle (Buch)|Wohlstand für Alle]]'' 1957. 8. Uplaag: 1964.
* ''Deutsche Wirtschaftspolitik.'' 1962.
* ''Grenzen der Demokratie?'' Düsseldörp 1973.

== Literatur ==
* [[Erwin von Beckerath]], [[Fritz W. Meyer]], [[Alfred Müller-Armack]] (Hrsg.): ''Wirtschaftsfragen der freien Welt.'' [Zum 60. Geburtstag von Bundeswirtschaftsminister Ludwig Erhard]. Knapp, Frankfurt am Main 1957.
* Jan Berwid-Buquoy: ''Der Vater des deutschen Wirtschaftswunders – Ludwig Erhard. Zitate, Analysen, Kommentare.'' Aus dem Tschechischen, BI-HI-Verlag, Berlin 2004, ISBN 3-924933-06-5.
* [[Christian Gerlach (Historiker)|Christian Gerlach]]: ''Ludwig Erhard und die „Wirtschaft des neuen deutschen Ostraums“. Ein Gutachten aus dem Jahre 1941 und Erhards Beratertätigkeit bei der deutschen Annexionspolitik 1938–43''. In: Matthias Hamann, Hans Asbeck (Hrsg.): ''[[Beiträge zur Geschichte des Nationalsozialismus]]''. Heft 13: ''Halbierte Vernunft und totale Medizin.'' ISBN 3-924737-30-4, Verlag Schwarze Risse, Berlin 1997, S. 241–276.
* [[Volker Hentschel]]: ''Ludwig Erhard. Ein Politikerleben.'' Olzog, München 1996, ISBN 3-7892-9337-7. [http://www.faz.net/aktuell/feuilleton/wirtschaft/rezension-sachbuch-ludwig-erhard-und-das-wirtschaftswunder-im-zerrspiegel-eines-historikers-11310662.html?printPagedArticle=true#pageIndex_0 Rezension]
* Volker Hentschel: ''Ludwig Erhard, die „soziale Marktwirtschaft“ und das Wirtschaftswunder. Historisches Lehrstück oder Mythos?'' Bouvier Verlag, Bonn 1998, ISBN 978-3-416-02761-8.
* [[Peter Hoeres]]: ''Außenpolitik und Öffentlichkeit. Massenmedien, Meinungsforschung und Arkanpolitik in den deutsch-amerikanischen Beziehungen von Erhard bis Brandt''. De Gruyter Oldenbourg, München 2013 (''Studien zur Internationalen Geschichte'', Bd. 32).
* Karl Hohmann: ''Ludwig Erhard (1897–1977). Eine Biographie.'' Hrsg. Ludwig Erhard Stiftung, ST Verlag, Düsseldorf 1997 ([http://www.ludwig-erhard-stiftung.de/wp-content/uploads/Biographie.pdf PDF-Datei, ca. 3&nbsp;MB]). (28 Sieden stark Broschüre van en ehmalgen Ministerialdirektor un Baas van dat Kanzlerbüro ünner den Kanzler, Erhard)<ref name="spiegel-46174530">Der Spiegel ID=46174530, Der Hauch des Eises ist gewichen, 1964, Nr. 18 van'n 29. April 1964</ref>
* [[Daniel Koerfer]]: ''Kampf ums Kanzleramt – Erhard und Adenauer.'' [[Deutsche Verlags-Anstalt|DVA]], Stuttgart 1987, ISBN 3-421-06372-9.
* [[Bernhard Löffler]]: ''Ludwig Erhard.'' In: Katharina Weigand (Hrsg.): ''Große Gestalten der bayerischen Geschichte.'' Herbert Utz Verlag, München 2011, ISBN 978-3-8316-0949-9.
* Andreas Metz: ''Die ungleichen Gründerväter: Adenauers und Erhards langer Weg an die Spitze der Bundesrepublik.'' UVK, Konstanz 1998, ISBN 3-87940-617-0.
* Alfred C. Mierzejewski: ''Ludwig Erhard – der Wegbereiter der sozialen Marktwirtschaft.'' Ut dat Engelsche, Siedler, München 2005, ISBN 3-88680-823-8. (engelsch Utgaav Chapel Hill, the University of North-Carolina Press, 2004.) [http://www.cosmopolis.ch/geschichte/73/ludwig_erhard.htm Rezension]
* Reinhard Neebe: ''Weichenstellung für die Globalisierung: deutsche Weltmarktpolitik, Europa und Amerika in der Ära Ludwig Erhard.'' Böhlau, Köln / Weimar / Wien 2004, ISBN 978-3-412-10403-0 ([[Habilitatschoon]] Universität Builefeld 2003, 620 Sieden).
* [[Karl Heinz Roth]]: ''Das Ende eines Mythos. Ludwig Erhard und der Übergang der deutschen Wirtschaft von der Annexions- zur Nachkriegsplanung (1939 bis 1945). 1. 1939 bis 1943.'' In: ''1999. Zeitschrift für Sozialgeschichte des 20. und 21. Jahrhunderts'' 10, 1995, Nr. 4, {{ISSN|0930-9977}}, S.&nbsp;53–93.
* Karl Heinz Roth: ''Das Ende eines Mythos. Ludwig Erhard und der Übergang der deutschen Wirtschaft von der Annexions- zur Nachkriegsplanung (1939 bis 1945). II. 1943 bis 1945.'' In: ''1999. Zeitschrift für Sozialgeschichte des 20. und 21. Jahrhunderts'' 13, 1998, Nr.&nbsp;1, {{ISSN|0930-9977}}, S.&nbsp;92–124.

== Weblinks ==
{{Commons}}
* {{IMDb|nm0258911}}
* [https://portal.dnb.de/opac.htm?method=simpleSearch&query=118530755 Indrag in de DNB]
* [https://www.deutsche-digitale-bibliothek.de/person/gnd/118530755 Indrag in de Düütsche Digitale Bibliothek]
* [http://webopac.hwwa.de/PresseMappe20E/Digiview_MID.cfm?mid=P004783 Zeitungsartikel över Ludwig Erhard] in de Pressemappe 20. Jahrhundert der ZBW – Leibniz-Informationszentrum Wirtschaft.
* Dorlis Blume, Irmgard Zündorf: [https://www.hdg.de/lemo/biografie/ludwig-erhard Ludwig Erhard] Tabellarisch Levensloop
* [https://www.findagrave.com/memorial/23424 Ludwig Erhard] in de Datenbank van Find A Grave (engelsch)
* Daniel Koerfer: [http://www.zeit.de/2005/20/P-Erhard?page=all ''Von Erhard lernen''.] [[Die Zeit]], 21. Mai 2005.
* Louis Gerber: [http://www.cosmopolis.ch/geschichte/73/ludwig_erhard.htm ''Alfred Mierzejewski: Ludwig Erhard''.] Rezension in: ''Cosmopolis. Magazin für Zeitgeschehen und Kultur'', 73/2005, 5. Juli 2005.
* [http://www.spiegel.de/spiegel/print/d-25657504.html ''Die Flucht nach vorn''] ''DER SPIEGEL'' 37/1953
* [[Alexander Mayer (Publizist)|Alexander Mayer]]: ''[http://www.fuerther-freiheit.info/2016/03/08/ludwig-erhard-und-fuerths-vaeter-des-wirtschaftswunders-in-der-ns-zeit/ Ludwig Erhard und Fürths Väter des Wirtschaftswunders in der NS-Zeit].'' Online-Plattform ''Fürther Freiheit'' van’n 8. März 2016.
* [http://www.mediathek.at/atom/06194CE1-1F6-003F7-00000860-06185553/ Interview mit dem deutschen Altbundeskanzler Erhard über Aspekte der europäischen Integration] van‘n 27. November 1968 im Onlinearchiv der [[Österreichische Mediathek|Österreichischen Mediathek]]

== Enkeld Nahwiesen ==
<references responsive/>

{{Normdaten|TYP=p|GND=118530755|LCCN=n/50/53242|NDL=00521469|VIAF=66499657}}

{{Bunnskanzler BRD}}
{{Vizekanzler BRD}}
{{Navigatschoonsliest Weertschopsminister Düütschland}}
{{Navigatschoonsliest Parteivörsitter CDU}}

{{SORTIERUNG:Erhard, Ludwig}}
[[Kategorie:Mann]]
[[Kategorie:Börger von Düütschland]]
[[Kategorie:Politiker (Düütschland)]]
[[Kategorie:Bundsminister]]
[[Kategorie:Liddmaat Düütsch Bundsdag]]
[[Kategorie:CDU]]
[[Kategorie:Schriever]]
[[Kategorie:Dräger vun’t Bundsverdeenstkrüüz]]
[[Kategorie:Boren 1897]]
[[Kategorie:Storven 1977]]