Lahti
Lahti (sweedsch Lahtis) is de söbentgröttste Stadt in Finnland. Dor leven 98.281 Inwahner (Stand:31.12.2004) up en Rebeet vun 154,5 km² (dorvan Land: 135 km²). Se liggt en good Autostünn nöördlich vun Helsinki an de See Vesijärvi.
Historie
[ännern | Bornkood ännern]Eerst 1905 kreeg Lahti dat Stadtrecht, ofschoonst de Oort all siet 1443 bekannt weer. Dor de Bo vun de Iesenbahn vun Helsinki nah Sankt Petersborg 1870 un dör de Ansiedlung vun Flüchtlings nah de Winterkrieg is de Stadt in dat 20. Johrhunnert bannig anwussen. Siet 1923 gifft dat in Lahti de beröhmte Lahti-Skispelen, bi de de Langloop un dat Skispringen den Middelpunkt billt.
Weertschap
[ännern | Bornkood ännern]Lahti is en bedüden Industriestandoort för de Möbel-, Textil- un Glasprodukschoon. Ok hett dor en vun de gröttsten Broereen/Drunkherstellers (Hartwall) vun Finnland sien Sitt.
Nah de Stadt is ok de Asteroid Lahti nömmt wurrn.