Kolbarg

Kolbarg ([[ˈkɔlbaʁ⁠x]]) oder Kolberg ([[ˈkɔlbɛʁ⁠ç]]) – düütsch Kolberg ([[ˈkɔlbɛʁk]]), fröher Colberg schreven; poolsch vandage Kołobrzeg nöömt ([[kɔˈwɔbʒεk]] Utspraak ^D); kaschuubsch Kòlbrzég – is ene Hansestadt mit circa 43.000 Inwahners in de Woiwodschop Westpommern, vun 1950 bet 1999 in de Bezirk Köslin in Polen. De Naam is slawsch un hett de Bedüding bi de Kant. Kolbarg liggt an de Fluss Persant an de Södkant vun de Oostsee. Kolbarg is de Kreisstadt vun'n Kreis Kolbarg un liggt in de Midd vun Hinnerpommern. Kolbarg weer inst en belangriek Hoben, wiels dat hie Solt geev. Vun 972 bet circa 1013 weer Kolbarg dat eerste Mol in Polen. Kolbarg worr 1000 Bischopssitz. Vandage gifft dat noch de Kolbarger Doom. 1255 worr Kolbarg Stadt mit Lübisch Recht. Denn kehmen ok Lü ut't Römsche Riek vun de düütsche Natschoon. Vun 1637 bet 1721 weer de Stadt in Sweden. Nadem weer de Stadt in Preußen. Kort vör't End vun de Twete Weltkrieg worr de Stadt vun Joseph Goebbels as de Stadt vun de Propagandafilm Kolberg utwählt. De Film gung över de Verdeffenderung vun de Stadt dor't pruißisk Heer 1807 in de napoleonisch Kriegen. Vandage gifft dat hie dat Internatioonale Festival för Folklore Interfolk. Egon Krenz, de laatste Generalsekretär vun de SED worr hie geboren. Agnieszka Rylik, de Weltmeester in't Kickboxen worr ok hie boren. Erich von Manstein weer hie vör de Nazi-Tied bi de Arbeid. Vun Kolbarg noh Pyrzowice is de Snelstraat in Planung. Kolbarg hett de 6. belangriekste Hoben in Polen, wat nich sünners veel is. In de Hoben is ok ene Seebrügge.

Biller

Lüchttoorn (Latarnia Morska)
Persant un Hobenbrügg (Most Portowy)