Karl Theodor Martens

Karl Theodor Martens (* 26. Februar 1860 in Ellwürden; † 25. Oktober 1936 in Oosterholt-Scharmbeek) weer en düütschen Politiker.

Martens is 1860 as dat drüdde von fiev Kinner von Anna Almerice Margarethe, borene von Laar, un Peter August Martens (24. Dezember 1815-9. Mai 1891) in Ellwürden boren un hett Juristeree studeert. He weer later Amtsrichter.

Martens weer von 1908 bet 1918 Afornten för den Wahlkreis Stood 5 (Oosterholt-Blomendal-Achem) in dat Prüüßsche Aforntenhuus. 1918 is dat Aforntenhuus oplööst worrn.

Martens hett an 14. März 1895 in Buxthu Emma Minette Eugenie Helene von Weyhe (28. April 1867-17. Februar 1945) freet un is an’n 5. Oktober 1920 in Bremen scheedt worrn. De beiden hebbt de Kinner Hildegart (* 1896), Heinrich Heino (1899-1922) un Theodor Hilbert Thilo (1899-1980) hatt.