Irish Red Setter

Vun Wikipedia
(wiederwiest vun Irisch Rood Setter)
Irisch Rood Setter
FCI - Standard Nr. 120
Patronat Irland
Klassifikatschoon FCI
  • Gruppe 7 Vörstahhunnen
  • Sektion 2 Britsch un Irisch Vörstahhunnen
Rassenaam na FCI

Irish Red Setter (Irischer Roter Setter)

Schufthööcht Rüde 58-67cm, Teev 55-62cm
Gewicht 27-32 kg
List vun de Hunnenrassen

De Irish Red Setter (so völ as: Irisch Rood Setter) is en vun de FCI (Nr. 120, Gr. 7, Sek. 2) anerkannt irisch Hunnenrass.

Herkunft un Historie[ännern | Bornkood ännern]

De in’t 19. Johrhunnert verfienert selekteert Hund is ut den kontinentalen Spaniel, den Engelsch Setter un den Pointer hervörgahn. As de öllere vun de beid Irish-Setter-Rassen gellt de Irish Red and White Setter.

Beschrieven[ännern | Bornkood ännern]

De Irish Red Setter is en bit 67 cm groot, elegant Hund, de man meest nicht verwesseln un de bit to 32 kg swoor wurrn kann. Charakteristisch is sien satt Kastanibruun ahn en Spoor vun Swaart; lütt enkeld witt Flecken sünd aber erloovt.

An’ Kopp, de Vördersieden vun de Loop un de Behangspitzen is dat Hoor kört un fien. An de övrige Körper un an de Loop vun mäßig Längd, platt anliggend un, wenn’t geiht, ahn Locken un Wellen. De Ohren sünd vun middlere Grött un fien Struktur un sünd deep un wiet achtern ansett.

Verwennen[ännern | Bornkood ännern]

En Irish Red Setter bi de Jagd
Moder (rechts) un Dochter nah en Bad in’t Meer vör Inishowen

De Irish Red Setter is en ungestümen Vörstahhund mit bannig good Rööksinn, flink un wendig, de sück besünners good in’t Sumpgelände för de Schnepfenjagd eignet, he is anhänglich, utgleeken, intelligent un en gooden Begleithund, de völ Upmarksomkeit, aber ok den nödigen Utloop bruukt, wat hüm to en früendlichen Familienhund makt, de aber ok good uppassen kann.

Sien Naam "Setter" leitdt sück vun dat engelsch Verb "to set" af, wat sien charakteristisch Eegenschappen beschrifft. Dat bedüüd so völ as "henstellen", "upstellen" - överdragen up den jagdlich föhrt Setter also en "Vorstahnhaltung innemmen". De Setter ist bannig sülvstbewusst, will beacht wurrn, stellt Anspröök in Hollen un Pleeg un ganz sorgfältig Tosommensetten vun sien Nehren.

Weblinks[ännern | Bornkood ännern]

Irish Setter. Mehr Biller, Videos oder Audiodateien to’t Thema gifft dat bi Wikimedia Commons.