Heie

Vun Wikipedia
(wiederwiest vun Heije)
Zur Navigation springen Zur Suche springen

Heie (ok Heijo, Heije, Heien, Heio Heijo un Hei) is en plattdüütschen Vörnaam för Jungs.

Herkamen[ännern | Bornkood ännern]

De Naam kümmt vun Naams mit denn Stamm Hag-, as Hagan-riek. Dor steekt de beiden germaanschen Wöör „haga“ (Tuun, Heck, Wohnplatz) un „rihi“ (riek, mächtig) in.

De plattdüütsche Naam[ännern | Bornkood ännern]

Vun so'n Naam mit twee Sülven is in de plattdüütschen Länner mit de Tiet bloß noch de eerste bruukt wurrn. Dor sünd denn korte Formen vun den Naam bi tostanne kamen, as Hagen. Dat -g- is denn afslepen wurrn to en -j- (Palatiseern). So keem Hajen torecht. Ok dat -n- is denn wegfullen. Denn weer de Naam Haje klaar. Vunwegen dat dat fröher keen eenheitliche Schrievwies geven hett, is dat denn woll ok Haie schreven wurrn. In de mundfulen plattdüütschen Kuntreien is towielen dat -e- an'n Enne wegfullen, denn hett dat Hai oder Hay geven. Un wenn de Öllern denn noch düütlich maken wullen, dat dat Göör en Jung is, denn hefft se dat Maskulin-Suffix -o achtern anbackt. Nu heet de Naam Hajo oder Haio. De Naams mit ei oder ey sünd bloß annere Schrievwiesen vun densülbigen Naam.

Plattdüütsche Tonaams[ännern | Bornkood ännern]

Ut den Vörnaam sünd denn de plattdüütschen Tonaams Hey un Heyen vun maakt wurrn. De bedüüt denn so veel, as Ut Heie siene Familie oder Vun Heie sien Hoff

Kiek ok bi[ännern | Bornkood ännern]

Weblenken[ännern | Bornkood ännern]