Duwock
| Duwock, Kattensteert, Heermos Hiamske, Uneet | ||||||||
|---|---|---|---|---|---|---|---|---|
 | ||||||||
| Systematik | ||||||||
| ||||||||
| Wetenschoplich Naam | ||||||||
| Equisetum arvense | ||||||||
| (Linnaeus) |
De Duwock (Equisetum arvense, Pl. Duwocken), ok Kattensteert, is en Plant mank de Kattensteerten (Equisetopsida).
Wie de Duwock utsehn deit
[ännern | Bornkood ännern]Den Duwock siene Wuddelstöcke gaht bit 1,60 Meter deep in’e Eer un billt dor en Wuddelwarks mit wiete Twiege. Över de Eer kiekt denn twee Aarden vun Stengels rut. De een sünd sunner Sporen un weert 10 bit 50 cm hooch. De Döörmeter vun so’n Spraat langt vun 1 bit 5 mm. Rings umto sitt dor allerhand Twiege an, de staht wat liekup af. De Sporenstengels kaamt vör de annern ut’e Eer un starvt af, wenn se de Sporen utsett hefft. Se sünd bloß 5 bit 20 cm hooch (af un to bit 40 cm), sünd nich gröön, as de annern, man hellbruun un hefft keene Twiege. De Sporen-Ahr is 1 bit 4 cm lang un stump. De Sporenstengels wasst vun Määrt bit Anfang Mai, de annern Stengels kaamt in’n Mai rut. De Plant hett en diploiden Satz Chromosomen mit 2n= 216 Chromosomen.
Wo de Duwocken vörkamen doot
[ännern | Bornkood ännern]Up de nöördliche Hälft vun’e Eer kaamt de Duwocken rund um den Pol to vun de Arktis bit hen na de Middellannsche See vör. Se könnt up natt Seeklima un in dröög Kontinentalklima torecht kamen un sünd bit na Süüdafrika, Australien un Neeseeland hen insleept wurrn. De Planten wasst up’n Acker, an de Kant vun natte Wischen, in Gravens un Schregen. Se warrt as en Wieserplant ankeken för natt un lehmig Land, wo dat Water nich aflopen kann.
Unkruut
[ännern | Bornkood ännern]In de Landweertschop weert de Duwocken as Unkruut ankeken un dor warrt mit Herbizide gegenan gahn. Man dat is unmööglich, de Duwocken schier to vernelen. Al dör en beten Eer an en Landmaschien kann he up annere Ackers insleept weern. Up en Acker is he en Alarmteken för slechten Landbo. He wiest dor up hen, dat de Grund tohopenstuukt wurrn is dör to grote Maschinen, datt dat dor nich noog Humus gifft un datt dor to minne Leven in’e Eer sitt (Mettjen). In Japan warrt de Duwock as Grööntüüch anboot.
Annere plattdüütsche Naams
[ännern | Bornkood ännern]De Duwocken hefft in de plattdüütschen Gemarken ganz unnerscheedliche Naams:
- Kattensteert
- Abendbook
- Ackerduwock
- Ackerhermus
- Adebarsbeen
- Bocksboort
- Dannboomke
- Daue Wocken
- Diuwenkropp
- Diwokken
- Dafrut
- Dubenocken
- Dubuk
- Dubup
- Dümwocken
- Düwewog
- Düwock
- Düwopp
- Dukop
- Dunop
- Duopp
- Duufop
- Duuk
- Duup
- Duvub
- Duvuck
- Duwack
- Duwenwock
- Duwenwopp
- Duwok
- Duwokken
- Duwopp
- Duwuck
- Duwum
- Duwurken
- Haarmoos
- Hallmoos
- Hallmuss
- Harrmoss
- Heermos
- Hermse
- Hiärmsk
- Hiamersk
- Hiamske
- Kattenrocken
- Kattenwocken
- Kohdood
- Krökeln
- Krusen Duwock
- Liddgras
- Lisrücke
- Papenpint
- Uneet
- Uneit
- Ungerk
Kiek ok bi
[ännern | Bornkood ännern]Böker
[ännern | Bornkood ännern]- W. J. Cody, V. Wagner 1981: The biology of Canadian weeds: 49. Equisetum arvense L. Canadian Journal of Plant Science 61(1): 123-133 PDF
