Football
De Football is en Speel, wo twee Mannschoppen mit ölben Lüüd (davun sünd teihn Feldspelers un en Speler steiht in dat Door) un en Ball speelt. Dat geiht dorüm, den Ball in dat Door vun de anner Mannschop to spelen. Un twors mit de Feut, un af un an ok mit den Kopp. Obers nich mit de Hann.
Dat Speelfeld is een Reecheck. An de korten Sieden sünd de Doren. Een Speel geiht 90 Minuten. Na een Dreeveertelstünn is Halftied un denn ward Foffteihn maakt. Na de Halftied warrt de Sieden wesselt.
In Düütschland is de hööchste Speelklass de Eerste Football-Bundsliga. Dor sind 18 Verenen in togange. In’n Momang löppt de Saison 2023/2024. Disse Profi-Football-Liga gifft dat siet 1963, daarvör hett dat fiev Överligas geven, waar denn de beste Teams gegenanner uttreten sünd.
Dat gifft Football vun de Mannslüü un vun de Fruunslü. In Düütschland hebbt nu de Fruunslüü in 't Weltmeesterschop 2023 spöölt, aver sünd in 't Vörrund utschkeden. De düütske Mannslüü wassen 2014 de Weltmeesters, aver de hebben danaach nich eenmal de Vörrund överstaan (2018 in Russland un 2022 in Kataar).
De düütsche Mannslü weern aber al veer Mal Weltmeester (1954, 1974,1990 un 2014).
