Füerwehr
Wenn en Füer entstahn is un dat nich wullt waar, is de Füerwehr dorför tostännig, dat dat wedder löscht warrt. Füerwehren gifft dat bannig vele, un dat is kloor, denn wenn de Füerwehr nich fix kummt, denn is dat Füer veel to groot, as dat man dat fix löschen kann. De düütsche Füerwehr was entstahn vun de Wittkittels, un de Lüüd vun de Füerwehr hebbt lehrt, wat fröher de Wittkittels maakt harrn. Hüütigendoogs möten de Lüüd vun de Füerwehr ok faken bi Maleschen helpen.
De Nummer 112
[ännern | Bornkood ännern]Hüütigendoogs kann jedereen de Füerwehr ropen mit de Telefonnummer 112. Dat is de internatschonale Nummer för Lüüd in Noot. Dor kannst alltiet mit de Füerwehr telefoneeren, un wenn seggen kannst,
- wo du in Noot büst
- un wosück du in Noot büst
- un woveel Lüüd in Noot sünd
- un wokeen du büst, dat se die nödigenfalls torückropen kunn'n,
denn kummt de Füerwehr bannig fix! Blief jümmers suutje un sinnig!
Freewillige Füerwehr un Beroopsfüerwehr
[ännern | Bornkood ännern]Wi keunt een Ünnerscheed maken twischen de friwillig Füerwehr und de Beroopsfüerwehr. De Beroopsfüerwehrlüüd makt nix anneres, as op Füer to worten. Wenn dat Füer denn losgeiht, denn kaamt de Kerls un Deerns in den blauen Rock in Nullkommanix ansuust mit dat Spritzenauto. Schläuche un Strahlrohre un Anschlußstücke för de Hydranten hebbt se bi sick. Un denn geit dat ok glieks los mit de Füerlöschen. Een Beroopsfüerwehr gifft dat blot in groten Steden, in de Dörper hebbt se de friwillig Füerwehr.
Plichtfüerwehr un Warksfüerwehr
[ännern | Bornkood ännern]Dat gifft uk noch twee annere Oarten vun Füerwehrn, de dat nich so oft gifft: de Plichtfüerwehr un de Warksfüerwehr. Een Plichfüerwehr gifft dat denn, wenn sick nich 'nuch Lüüd för een friwillig Füerwehr fin'n doon. Denn mött alle Minschen ut de Gemeende, ob de een bestimmtet Profil passt, to de Füerwehr gahn. De Warksfüerwehr is as een Beroopsfüerwehr, mit de Unnerscheed, dat de Warksfüerwehrn immer bloß op dat sülbige Warksgelände arbeiten doot.
