De Born vun Elsfleth wiesen.

{{Gemeenbox
|NAAM=Elsfleth
|NAAM_INHEEMSCH=
|STAAT=Düütschland
|LIGGT_IN=
:Bundsland: [[Neddersassen]]
:Kreis: [[Landkreis Wersermasch]]
|WAPEN=DEU Elsfleth COA.svg
|KOORT=
|KOORT2=
|IMAGEMAP={{Imagemap Landkreis Wersermasch|Elsfleth in BRA.svg}}
|FLACH=115.15
|HÖÖCH=3
|KOOR_NS=53.14
|KOOR_OW=08.28
|INWAHNERS=9303
|INWAHNERS_TIET=2006-12-31
|POSTLEETTALL=26931
|VÖRWAHL=04404
|AUTO-KENNTEKEN= BRA
|BÖRGERMEESTER=Dietrich Möhring (ohn Partei)
|WEBSTEED=www.elsfleth.de
|ÖÖRD=
|GEMEENSLÖTEL=03 4 61 004
}}
De Havenstadt '''Elsfleth''' liggt an de unnere [[Werser]] nördlich van de Huntemünn. Se hett 9200 Inwahners. De [[Partnerstadt]] vun Elsfleth is [[Marstal]] in [[Däänmark]].

==Historie==
Elsfleth is een van de öllsten Öörd an de [[Unnerwerser]]. Al de [[Arzbisdom Bremen|Bremer Arzbischop]] [[Ansgar (Bremen)|Ansgar]] schall hier um [[860]] de eerste Kark grünnt hebben, To Tieden van de [[Stedinger]] weer Elsfleth de Middelpunkt van Noordstedingen un Versammlungsoort, wenn't um dat Slichten van Striet twüschen de [[Rüstringen|Rüstringer]] [[Fresen]] un de [[Bremen|Bremers]] gung

*[[1350]] keem Elsfleth unner de Herrschup van de Ollnborger Grafen.
*[[1504]] woor de St.-Nicolai-Kark boet,
*[[1607]] woor de eerste School in Elsfleth grünnt.
*[[1624]] enen groden Upswung nehm Elsfleth, as Graaf [[Anton Günther (Ollborg)|Anton Günther]] dat gegen dat Strüven  van de Bremers fardig kreeg, dat hier de [[Wersertoll]] inricht woor un de Ollnborger Staatskass bit 1820 jedet Jahr bit to 120.000 Rieksdaler inbroch.
*[[1809]]  an'n 7.August keem Hertog [[Friedrich Willem van Bruunswiek-Oels]] (de Swarte Hertog) na Elsfleth. He weer up de Flucht vör [[Napoleon]] un besteeg hier mit siene Lü em Schipp, dat em na [[England]] bringen schull.  Up disse Begevenheit wiest vandagen noch dat Hertog-Oels- Denkmaal hen, dat up'n Raathuusplatz steiht.
*[[1856]] kreeg Elsfleth tosamen mit Braak un [[Varel]] de Stadtrechte. 

==Weertschop un Verkehr==
De günstige Laag an de Münn van de [[Hunte]] in de [[Werser]] un de korte Weg bit na de [[Noordsee]] weern de Grund darför, dat Elsfleth veel mit de Schipperee un den Schippbo to doon harr. In’t [[19. Johrhunnert]] weer Elsfleth mit [[Braak]] tosamen de wichtigste Haven in dat Ollnborger Land. 22 [[Reederee]]n weern hier ansässig, för 100 Scheep weer Elsfleth de Heimathaven un up 8 Werften woorn Segelscheep boot. 

[[1832]] woor de Navigationsschool grünnt, ut de laterhen de [[Seefohrtschool Elsfleth]] entstund, de vandagen as Fackberiek Seefahrt en Deel van de [[Fackhoochschool Ollnborg/Oostfreesland/Willemshaven]] is.

[[1873]] woor na dreejährige Botiet de Isenbahnstreck Hude-Elsfleth-Braak fardig.
To glieker Tiet aver keem för de Weertschup in Elsfleth en Neddergang, wiel ümmer mehr Dampers boot woorn, un de Elsflether Werften sik nich to rechter Tiet van den Holtschippbo up den Isenschippbo umstellen de. Hento keem noch de Umstand, dat de Elsflether Haven bi de [[Werserkorrekschoon]] um [[1890]] van dat Hööftfahrwater aftrennt woor.

In de folgen Jahren versochen de Elsflethers den Schaden uttoglieken. Se grünnen ene Heringsfischeree-Sellschup, de veel Spood harr. [[1958]] woorn hier 65.000 Fatt [[Heren]] anlannt, aver liekers muss se een paar Jahr later den Bedrief instellen.  Vandagen besteiht ümmer noch de Elsflether Werft AG, de Scheep bit 8000 Ladetunnen boot. En anner Industrieunnernehmen is de Omni-Pac, ene Fabrik, de Verpackungskraam herstellt, to’n  Bispill  Eierverpackungen.

{{Navigatschoonsliest Gemenen un Städer in den Landkreis Wersermasch}}

[[Kategorie:Oort]]
[[Kategorie:Landkreis Wersermasch]]