Düütsch Landfroonverband
De Düütsche Landfroonverband (dlv) is en Landfroon-Verband vun un för Froonslüüd op’n Lannen in Düütschland.
De Froonslüüd in’n dlv sett sik in för „de Intressen in’n Beroop vun de Buurnfroon un dat Verbetern vun de sozialen, weertschoplichen un rechtlichen Situation vun Froonslüüd un för de Vereenborkeit vun Familie un Beroop.“
Maten sünd vör allen Froonslüüd ut de Bueree, aver de Verband steiht ok apen för Froonslüüd vun’n Land ut annere Beropen.
Organisation
[ännern | Bornkood ännern]De dlv hett 22 Landsverbänn, de all noch wedder in Kreis- un Oortsverenen opdeelt sünd. Alltohoop sünd dat so bi 550.000 Froonslüüd.
De Dackverband warrt vun dat Präsidium anföhrt. Dat Präsidium warrt vun de Mitglederversammlung wählt un hett aktuell Brigitte Scherb as Baas.
De dlv is ok Liddmaat vun dat Nettwark Europääsche Bewegung.
Geschicht
[ännern | Bornkood ännern]De Geschicht vun de Landfroon geiht trüch op de Goodsfro Elisabet Boehm. In Rastenborg in Ostprüßen hett se 1898 den eersten landweertschoplichen Huusfroonvereen grünnt.
Boehm wull de Levens- un Arbeitsbedingungen vun de Froonslüüd verbetern un jem dat Ut- un Wiederbillen op’n Lannen mööglich maken.
Aktivität
[ännern | Bornkood ännern]De dlv organiseert ünner annern Wiederbillungen un Vördrääg för Froonslüüd. Dorto höört dat Utbillen vun Ehrenamtliche för de Verbandsarbeit, Wiederbillungen to de Themen Agrarpolitik, Huusweertschop, Eten un Kaken, Gesundheit un so wieder. Un dat warrt ok Mööglichkeiten anbaden, sik för’n wiedertobillen, to’n Bispeel an’n Computer oder in Engelsch.
Weblenken
[ännern | Bornkood ännern]- Websteed vun’n Düütschen Landfroonverband (hoochdüütsch)