De lütte Prinz
De lütte Prinz (in’t franzöösche Original Le Petit Prince) is en bebillert Vertellsel vun Antoine de Saint-Exupéry un dat beröhmtste Book vun dissen Schriever. De Biller stammt ok vun Saint-Exupéry.
De Eerstutgaav is 1943 in New York vörstellt worrn. Dat Book is sietdem in över 160 Spraken översett worrn un is mehr as 50 Millionen Maal verköfft worrn.
Dat Book warrt ut de Perspektiv vun en Verteller vertellt, de mit sien Fleger in de Sahara afstört is. He drippt dor den lütten Prinzen, de vun buten de Eer kummt. He kummt vun en lütten Asteroiden. De beiden snackt mitenanner un de Prinz vertellt sien Geschicht. Dorbi kummt veel Levensphilosofie bi rut.
Astronomie
[ännern | Bornkood ännern]Dat Book mit’n Prinzen, de op en lütten Asteroiden leevt, hett sik ok in de Astronomie dalslagen. 2003 hett en Asteroidenmaand den Naam Petit-Prince kregen. En annern Asteroid heet Besixdouze, wat franzöösch för B612 is, wat de Naam vun’n lütten Prinz sien Asteroid in’t Book is. De Asteroid Saint-Exupéry is na’n Schriever vun dat Book nöömt.
Literatur
[ännern | Bornkood ännern]- Arnd Immo Richter: De lütte Prinz. Naumann, Nidderau 2000, ISBN 3-933575-07-9
- Heinrich Book: De lüttke Prinz. Goldschmidt-Druck, Werlte 2004, ISBN 3-927099-90-2
- Jack Thiessen: Dee tjliena Prinz. Naumann, Nidderau 2002, ISBN 3-933575-85-0
- Hannes Demming: De lütke Prins. Edition Tintenfass, Neckarsteinach 2020, ISBN 978-3-947994-55-7