Cord

Cord (ok Coord, Cordt, Cort, Kord, Koord) is en plattdüütschen Vörnaam för Jungs.

Herkamen

De Naam kümmt vun den olen düütschen Naam Konrad. Dor steekt de beiden Wöör „kon“ (kühn, modig) un „rath“ (Raat) in. De Naam bedutt denn so veel, as „De en kühnen Raatgever is“, oder „De keene Bange kennt, wenn he Raat geven deit“. De Naam is ok in de latiensche Form Conradus bekannt.

De plattdüütsche Naam

De lange Naam mit siene twee Sülven is tohopentrucken wurrn to en korten Naam. Dor is denn Cord bi rutkamen. Up Hoochdüütsch is dor Kurt vun wurrn.

Plattdüütsche Tonaams

Ut den Vörnaam Cord/Coord sünd denn de plattdüütschen Tonaams Cordes, Coordes, Kordes, Koordes, Cohrs, Kohrs, Coers, Koers un Coors maakt wurrn. De bedüüt denn so veel, as Ut Cord siene Familie oder Vun Cord sien Hoff.

Kiek ok bi

• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Cord, Coord, Cordt, Cort, Kord, Koord