Charles Kuen Kao

Charles Kuen Kao

Charles Kuen Kao (CBE) (高錕; * 4. November 1933 in Shanghai; † 23. September 2018 in Sha Tin, Hongkong) weer en US-amerikaansch-britisch Physiker vun chineesch Herkunft. He is en Pionier in den Beriek vun de Glasfaseroptik, woför he 2009 mit den Nobelpries för Physik ehrt wurr.

Leven un Wark

He hett in England studeert un mit uttekent Spood afslooten. 1965 kreeg he an dat Imperial College London sien Doktertitel (Ph. D.). Dornah gung Kao to de Standard Telecommunication Laboratories vun ITT in Harlow (Essex), wo he Director of Engineering wurr un an de Optische Nahrichtenöverdragen middels Infrarot forschen dee. Dor hett he mit George Alfred Hockham up dat Rebeet vun de Telekommunikatschoon över Glasfasern arbeit, wobi he eerstmals Luchtsignale as Daten över Leiter ut Glas överdroog. Dorbi stell Kao fast, dat de hooch Informatschonsverluste nich dör elektronische Probleme, sonnern dör Verunreinigen in de Glasfaser bedingt sünd. He hett 1966 vörslahn, Glasfasern as düüken Överdragensmedium to nehmen, wenn dat mögelk weer, de Verluste vun 1000 dB/km up 20 dB/km to senken. In' Harvst 1970 harr Corning Glass Works disse Grenz mit 17 dB/km dörbraken.

Later wurr Kao Vice-Chancellor an de Chinesische Universität Hongkong. 1996 gung he in den Ruhestand.

An' 6. Oktober 2009 wurr hüm, tosommen mit Willard Sterling Boyle un George Elwood Smith, de Nobelpries för Physik „för sien bahnbreeken Spood up dat Rebeet vun de Luchtleitung middels Faseroptik för optische Kommunikatschoon“ tospraaken.

Borns

• Dagny Lüdemann, Sven Stockrahm, Alina Schadwinkel: Nobelpreis für die Forschung zur schnellen Datenübertragung. In: Zeit-Online. 6. Oktober 2009, afropen an' 6. Oktober 2009.

Weblenken

Charles K. Kao. Mehr Biller, Videos oder Audiodateien to’t Thema gifft dat bi Wikimedia Commons.

• Die Pressemitteilung des Nobelkomitees (engelsch)
• Utführlich Interview mit Charls Kuen Kao van 2008 (engelsch)