Bünn

Bünn, Däken, Fischhüd oder ok Waterruum, dat is en Kassen op’t Boot vun de Fischerlüüd, woneem se den Fang rindeen, wenn se op Reis weern. De Bünn weer mit de See verbunnen, dat de Fisch Water harrn un dat’n se leevig na Markt fohrn kunn. Faken hebbt de Fischerlüüd den Fisch glieks ut de Bünn rut an de Lüüd bröcht. As de Scheep denn later Köhlrüüm harrn, bruken de Bööd keen Bünn mehr, de Fisch höllen sik nu ok dood lang noog.