Breef
Breef (m., pl. Breven) is een Naricht, de mierstens mit Bliesticken oder Dinte op Papeer schreven un denn in eenen Breefümslag steken wör. Privaat Breven sün vun öllers her mit de Hand schreven worrn un denn wören se mit’n Baad utdragen oder löter denn mit der Post levert. Annersrüm sünd de Breven vun jichenseen Firma oder Amt all siet Johren mit Moschin schreven un ok mit de Post utlevert.
Breven gifft dat all siet dusenden vun Johren un se sünd woll nich lang na dat Upkomen vun de Schriftspraak in Mood kamen. Je mehr de Minschen up Reis gahn sünd, je wichtiger wöhr denn ok de Breefverkehr. Ebenso veel Andeel bi de Vebreedung vun den Breefverkehr het aber woll ok de upkamen Fernhannel.
De privaat Breef ward hüttaudags mehr un mehr vun de E-Mail, dat sünd Breef de vun een Computer na den annern schickt ward, aflöst. Ganz un gor ut de Mood kümmt de Breef, wo se vun de Kortnaricht vun een Handy na det annere aflöst ward.
