Boxen
Boxen is en Kampsport, bi den sik twee Gegners mit jemehr Füüst haut. Dorbi drägt se dicke Boxhanschen. Bi’t Amateurboxen is butendem dat Drägen vun Schuulreedschoppen Plicht, wat bi’t Profiboxen nich maakt waart. De Kämpers versöökt Punkten to winnen, dör dat Drapen vun’n Kopp oder den Lief vun’n Gegner. Nödig för den Sport sünd Knööv, vör allen aver ok go’e Refelxen, Snelligkeit un Technik. Boxen gifft dat för Manns- un Fronslüüd.
Dat gifft veer Mööglichkeiten, en Boxkamp to winnen: K.o. (Knockout), T.K.o. (technisch Knockout), Afbreken na Disqualifikatschoon oder na Punkten. En Knockout oder K.o. is, wenn en Gegner na en Slag so benüsselt is, dat he nich wietermaken kann. De Schiedsrichter tellt em den an, un wenn he bit teihn nich wedder bi sik is, hett he verloren. Bi en technisch K.o. brickt de Schiedsrichter den Kamp af, wenn he meent, dat en vun de Gegners nich mehr in de Laag is, wieter to maken. Dat kann aver ok dör den Trainer oder den Boxer sülvst passeeren, wenn de opgeven deit. En Disqualifikatschoon kummt vör, wenn sik en Gegner nich an de Regeln hollen hett. En Sieg na Punkten gifft dat denn, wenn na en vörher fastleggte Tall vun Runnen keen K.o. oder Disqualifikatschoon passeert is. Wokeen den de meisten Punkten sammelt hett, is de Winner. De Punkten warrt dorbi vun de Weertungsrichters vergeven.
Techniken
[ännern | Bornkood ännern]Boxers kennt veer Grundtechniken.
-
-
-
-
-
-
Cross-counter (counter punch) -
Half uppercut
- Jab: De Boxer stött een mit sien Vörhand (lead hand of forward hand) piel vörnruut.
- Cross: Dor stött een mit de Achterhand (rear hand) piel vörnruut.
- Hook: De Boxer sleiht een mit een van sien Hannen up de Weg van een halwig Zirkel waagrecht
- Uppercaut. De Boxer haut up de Weg van een Baag lootrecht van ünnen nah baven.
Een Punkt gifft, dat wenn Hööft of Torso drapen warrt. In Amateurboxen hebbt de Hanschen vörn witt Flääch. Punten warrt dor bloots todeelt, wenn jüst mit düss Part drapen warrt.
Beschirmen
[ännern | Bornkood ännern]Vanwegen dat Boxers sick malkanner besehren köönnt un ook doodblieven könnt, sünnerlich wenn sick de Folgen van Slääg över Johren upsummeren doot, sünd dor Reglen för’t Beschirmen. All Boxers mööt Boxhandschen dregen, Amateurboxers ook Helms. Bi Weddstrieden binnen dat olympsch Boxen dröfft Boxers bloots Handschen un Helms dregen, wat dör de de AIBA (Association Internationale de Boxe Amateur) goodkannt sünd un wor een AIBA Stempel up print is.
Fördermehr mööt Boxers een Bitje (mouth guard) dregen, üm Tähn un Gagels to schütten.