Bloodwost
Bloodwost (w., pl. Bloodwöst), ok Rotwost nömt, is een kookte Wost, de ut Swiensblood, Speckwörpel, lütt maaktes Swienfleesch un mannigeen Würz un Kruut besteiht. Wenn düsse Wost na den Kooken afköllt is, is se in’n Darm fast un lätt sick goot in Schieben snien.
Man seggt, de Bloodwost is een vun de öllsten Orten Wost to maken un dormit, na dat Fleesch insolten, de tweetöllste Mööglichkeit, dat Eeten vun de Deerten lang frisch to holen.
Eten ward de Bloodwost as Brotbelag oder ok as Biloog to Kantüffeln. Man itt eer frisch (nadem se utköllt is) oder ok (wiel dat länger holen deit) as rökerte Wost.
Dor wo de Minschen Veeh holen dään, weer dat woll ok jümmer een gern nomen Eten.
