Benrather Linie

De Benrather Lien (root) trennt Nedderdüütsch vun dat Hoogdüütsche. De Speyerer Linie trennt Middel- un Opperdüütsch (violett).

De Benrather Linie is de bekanntste Isoglosse in Kontinentaleuropa. Dat is de Grenz twüschen Nedderdüütsch un Hoochdüütsch. Dat Hööftmarkmaal is, dat vele Wöör, de in’t Hollandsche un in dat Plattdüütsche dat k hebbt, süden vun de Grenz dat ch hebbt. In Limborg löppt de Grenz twüschen Heerle in den Noorden un Karkraode in den Süden. De Gemeente Landgraaf warrt so in twee Delen deilt.

Eupen in Belgien is noorden vun de Benrather Linie. Dat heet, dat dat Eupener Platt to dat Nedderdüütsche höört. De Nedderlandschen Öörd Vaals, Bocholtz un Karkraode höörn to dat Medeldüütsche. De Benrather Linie geiht wieder in dat Rebeet vun de Stadt Düsseldörp, wo de Stadtdeel Benrath op de Grenz, män süden vun de Grenz liggt. Berlin, Siegen un Kassel sünd ok an de Grenz un süden dorvun. Inst güng de Grenz bet to dat Ermland in Polen.