Gemeen Attem

Attem (nedderlandsch Hattem) is ene Gemeen in de Provinz Gelderlaand in de Nedderlannen, in de Veluwe. Se hett 11.702 Inwahners (2008). Ehr Fläck is 24,2 km². De Inwahnerdicht is 507/km². De Börgermeester is W.J. Wiggers (CDA). De Postleettallen sünd 8050-8052. To de Gemeen höört de Hansestadt Attem. Se hett en Hoben. De Gemenen, an de Attem grenzt, sünd Heerde, Zwolle, Oldebroek un de Kampen. In de Gemeen Attem befind't sick ene Baadanstalt un een Golfzentrum. gelder

Historie un bekannte Lü

Attem kreeg 1299 de Stadtrechten. Dat gifft siet 1950 keen Bahnhoff mehr in de Gemeen. De Politiker Herman Willem Daendels (1762-1818) un Ellen Kuipers (* 1971) worrn dor baren. De Generaal Frederic Adolph Hoefer hett historisch över Attem arbeidt.

Gemeenroot (2009)

• PvdA 5 Seten
• ChristenUnie 4 Seten
• CDA 3 Seten
• VVD 2 Seten
• Fractie Castorp 1 Seet

Museen

In Attem gifft dat dat Anton-Pieck-Museum, dat 1984 grünnt worrn is un Biller von Anton Pieck wiest un Indrück ut sien Leven gifft. Denn gifft dat noch dat Bäckereemuseum, en groot Museum, dat över allens informeert, wat mit dat Backhandwark to doon hett. Dat drüdde Museum in Attem is dat Voerman-Museum, dat sik na de 650-Johr-Fier 1949 ut en Sammlung över de Stadtgeschicht rutentwickelt hett. Dat Museum wiest nu vör allen Biller von Malers ut Attem. Sien Naam hett dat von de attemschen Malers Jan Voerman Senior un Jan Voerman Junior.

Weblenken

• Websteed vun de Gemeen Attem (nedderlandsch)