Arturo Toscanini
Arturo Toscanini (* 25. März 1867 in Parma; † 16. Januar 1957 in New York), weer en italiensch Dirigent.
He weer eerst Musiker un hett Violoncello speelt, wurr denn aber bekannt, as he 1886 in Rio de Janeiro as Dirigent vun Verdis Oper Aida uptreden is. Dornah gung dat an de Mailänder Scala un an de Metropolitan Opera in New York. 1927 hett he dat dortige Philharmonic Orchestra leit. He dirigeer aber ok bi de Bayreuther un Soltbarger Festspeelen.
Beröhmt wurrn is he dör sien besünners fien Gehör un för sien eenzigoortig Gedächtnis. He speel dat ganze Opern- un Konzertrepertoire utwendig. He weer för knapp un präzis Slagtechnik un bekannt för sien absolut Warktrüe, worbi he besünners Ludwig van Beethoven, Verdi und Richard Wagner schätzen dee.
As Gegner vun de Natschonalsozialismus is he 1938 in de USA utwannert un hett dor bit 1954 dat för hüm grünnt NBC Symphonic Orchestra leit. He geev sien Dirigententätigkeit up, as hüm sien Gedächtnis bi en Upföhrung von de Meistersinger in de Carnegie-Hall in Stich laten dee.
Born
[ännern | Bornkood ännern]- Personen-Lexikon 2 ut Chronik-Verlag, Harenberg Kommunikation, Dortmund, 1983 ISBN 3-88 379-018-4
Weblenken
[ännern | Bornkood ännern]
- Toscanini Online (engelsch)