Alexander Ernst Charles Friedrichs
Alexander Ernst Charles Friedrichs (* 12. März 1838 in Hameln; † 19. März 1895 in Scharnbääk) weer en düütschen Politiker.
Friedrichs is 1838 as Söhn von Johanne Friederike, borene von Reiche, un den Oberst Charles Friedrichs in Hameln boren.[1] He weer op dat Realgymnasium in Celle un in Lümborg. Later hett he as Buur sien egen Hoff in Westergellsen bewirtschaft. An’n 1. März 1883 is he Direkter von de Entwässerungs-Genossenschaft von dat Ilmenau-Daal worrn. He hett 1889 as Pächter de Domään Scharnbääk övernahmen.
Von 1885 bet 1893 weer he för de Natschonalliberale Partei Afornten von dat prüüßsche Aforntenhuus. Bi de Wahl 1885 harr he in’n Wahlkreis Lümborg 6 (Lümborg, Winsen) 96,9 % von de Stimmen kregen un bi de Wahl 1888 sogor 100 %. Bi de Wahl 1887 is he mit 50,36 % von de Stimmen för den Wahlkreis Hannover 16 tosätzlich in’n Rieksdag wählt worrn un dor bet to de nächste Wahl 1890 Afornten bleven.[2]
Friedrichs hett an’n 31. Mai 1870 in Eenhoff Marie Dorothee Hagelberg (3. Januar 1846–4. April 1887) freet.[1] De beiden harrn de Kinner Alexander (9. Oktober 1871–2. Juni 1948), Wilhelmine Mary (5. Mai 1873–25. Oktober 1961), Karl (18. Mai 1877–10. März 1953) un Marie Helene (7. Juni 1881–19. November 1966).
Footnoten[ännern | Bornkood ännern]
- ↑ a b Deutsches Geschlechterbuch. 1979, Band 179, Sied 162
- ↑ Fritz Specht, Paul Schwabe: Die Reichstagswahlen von 1867 bis 1903. Eine Statistik der Reichstagswahlen nebst den Programmen der Parteien und einem Verzeichnis der gewählten Abgeordneten. 2. Oplaag, Verlag Carl Heymann, Berlin 1904, Sied 129