Diskuschoon:Anke

Hi, Slomox! Soveel, dücht mi, hebb ik bitherto to de Anbacksels rutfunnen:

• De Grundlaag is jümmers de korte Form vun een Naam (Stammform).
• Dor warrt denn dat Anbacksel to'n lütter maken anbackt. De öllste Form vun düt Anbacksel dücht mi dat Suufix -ike oder ok -ecke etc.
• Miet de Tiet warrt dat i oder e denn afslepen un de plattdüütsche Naam is so fardig, as wi em vundage kennt. (Nehmt wi mal Adelheid- Ahle- Alecke - Alke; oder Hannah - Anna - Anneke - Anke
• Dat Anbacksel -tje dücht mi jünger (anners, as ik dat fröher dacht harr). Dat meen ik, vunwegen, datt de öölsten Formen vun de Naams jümmers mit -ike etc. lüttjer maakt sünd. De Formen mit -tje (de datsülbige meent) sünd later bruukt wurrn. Veele Naams hefft düsse Formen gar nich. Man ganz genau weet ik dat nich. Villicht hest du ja noch Henwies?
• Denn gifft dat noch dat Anbacksel -el. Wat dat bedüden schall, weet ik noch nich genau. Dat lett, as wenn dat to'n länger maken vun den Naam bruukt wurrn is, man bloß bi Deerns: Vun Womme warrt Wommel, vun Hibbe warrt Hibbel, vun Haye(?) warrt Heiel= Heil
• dat dücht mi, as wenn de Oostfreesen an't Enn vun denn Naam geern een -a anbacken döen, man in de annern Kuntreien dat -a in een -e verännert wurr: Gesina- Gesine; man dat is nich ganz klar, of nich de Oostfresen eenfach een a an de plattdütschen Naams anbacken döen, as bi Gebkea, wat vun Gebke kümmt. Dat heet ja, datt de oostfreeschen Formen nich so oolt wesen mütt, as een denkt...Wenn du wat weetst, segg Bescheed!

Hartlich Gröten, Bolingbroke, 17.13h