Wilhelm Friedrich von Borries

Vun Wikipedia

Wilhelm Friedrich Otto von Borries (* 3. Juni 1776 in Stood; † 19. Oktober 1819 in Dorum) weer en düütschen Verwaltungsbeamten.

Von Borries is 1776 as Söhn von Eleonore Sophie, borene Freiin Grote (1749-1820), un den Beamten Heinrich Otto von Borries (10. November 1728-21. November 1785) in Stood boren.[1] He weer Fideikommissbesitter to Hornborg un Obbens.[1]

Von Borries weer von’n 10. September 1789 bet to’n 24. Juni 1793 op de Ridderakademie Lümborg.[1] An’n 9. November 1793 hett he sik an de Universität Göttingen inschreven un dor Juristeree studeert.[1] Nadem he 1796 mit dat Studium trech weer, is he in’n bruunswiek-lümbörgschen Staatsdeenst gahn. He is 1797 Hoffgerichtsassesser an dat Hoffgericht Stood worrn.[1] Von 1799 bet to sien Dood in’n Harvst 1819 harr he eerst as Vaagd, von 1808 af an as Bövervaagd, dat Leid över dat Gericht Land Wusten in Dorum.[1]

1801 hett he Juliane Marie Gertrud von der Decken (1781-August 1856) freet.[1][2] Sien öllsten Söhn weer Wilhelm Friedrich Otto von Borries (30. Juli 1802-14. Mai 1883), later Binnenminister von dat Königriek Hannover.

Footnoten[ännern | Bornkood ännern]

  1. a b c d e f g Hans-Joachim Heerde: Das Publikum der Physik: Lichtenbergs Hörer. Wallstein-Verlag, 2006, Sied 119
  2. Festschrift Zur Säcularfeier Der Königlichen Landwirthschafts-Gesellschaft Zu Celle Am 4. Juni 1864. 1864, Band 1, Sied 88